جە ٥-٧ـو ئایارینە پەکەکە ١٢ـەمین کۆنگرەو ۋێش جە هەرێمەکاو پارېزنای مەدیاینە بینا، دماتەر جە ١٢و ئایارینە قەرارە هۊرگیریێکێش پەی ڕای گرڎینی وەڵۍ کەردێوە، موراڎ قەرەیلان جە کۆنگرەکەنە قسێش کەردۍ و جەختش چانەی کەرڎۆ کە ئی پرۆسە گرنگەیە چنی ڕابەر ئاپۆی سەروزا.

قەرەیلان جە قسەکاشەنە ئاماژەش پانەی دا کە دەرزشا جە ئەزموونەکا ٢٠٠٢-٢٠٠٤ هۊرگێرتەن، حیچ کەسێ نمەتاوۆ تەوقەو پەکەکەی بڎۆ و سەرکوتش بکەرۆ. قەرەیلان واتیچش، ئەر دۊڵەتو تورکی سەرو تنوتیژیەکاش بەردەوام بۆ، ئانە پا زوانەی چنەش میاوۆنە جوابش مڎاوە.

هۊرسەنگنایەکۍ موراڎ قەرەیلانی پی جۊرەنۍ:

"چێوی هەرە عال چی قۆناغە گرنگەنە یەکدەسی و یەکهەڵوێستییا. دەرزما جە ئەزموونەکا ساڵەکا ٢٠٠٢-٢٠٠٤ هۊرگېرتەن. یانی سەرەڕاو کەموکوڵییەکا بە پاو هێڵۊو ڕابەر ئاپۆی نزیکبیەیۆیۍ ئینا ئارانە. جە سەردەمی تازەنە گەرەکما زیاتەر بیاوونە، یانی تا ڕادێوە هەستیارەنا. پا شکڵەی قوربانیۍ فرێما دێنۍ، مشۊم چنی چی قۆناغە گرنگێنە سەرۍ گنمۍ، ئینە نیگەرانی زیاتەرم چنە وەش مکەرۆ. قەناعەتم پانەی هەن ڕۊشنایی هێڵۊو ڕابەر ئاپۆی مېیاونۊما بە ئامانج. موینمۍ ڕابەر ئاپۆ بەوپەڕو مۆراڵ بەرزی و بڕیاردارییوە دەسش دانەنە، ئا کاتە چێوەکۍ ئینۍ یاگۍ وێشەنە. جە هەر ساتێوە ئەوەکۊشایمانە فرە عال مزانو ئەر ڕابەر ئاپۆ جە مژارێوەنە دڵنیایش نەبۆ، ئانە نمەلۆ دلۍ ئا هەرمانێوە. پۊکەی ڕابەر ئاپۆ چی پرۆسەنە دڵنیان، کەواتە مسۆگەرا. هەرپۊکەی ئێمەیچ باوەڕما پنەشا. پېوەس بە دۊڵەتو تورکیوە نمەتاومۍ باسو باوەڕ و متمانە پنەبیەی بکەرمۍ، پراکتیکو دۊڵەتو تورکی ئینا ۋەرو چەماوە. بەڵام بە گرڎ جۆرێ باوەڕما بە ڕا و ڕێبازو ڕابەر ئاپۆیا.

کەس نمەتاوۆ تەوقەما بڎۆ و سەرکوتما بکەرۆ

مەڵامەتی یووەم و بنەڕەتی ئاژەو هامکاتیا، جە ۋەرکۊتوو مېیامینی، سەرو خاکو کوردەسانینە جەنگێوە چەکڎاری ملۊڕاوە. چێ؟ هەڤاڵایچ باسشا چۆوە کەرڎ، ڕابەرایەتیچ ئەرەیاۋناش. چونکی جەنگی جەهانی یەرەمی جە هەرێمەکەنە ملۊڕاوە. جە دلېینەو ۋێشەنە مېیانو ئی جەنگەیچە کوردەسانا. سەرو خاکو کوردەسانینە حیچ هێزێوە هامشێوەو پەکەکەی نییا، کە ئانڼە ساڵۍ جەنگش کەردەبۆ و ۋەرفراوان بیەبۆ. دەرفەتو ئینەیش هەن. بە پوختی کەس نمەتاوۆ تەوقەش بڎۆ ، سەرکوتێما بکەرۆ و دلېمانە بەرۆ.

بڕواما بە ڕابەر ئاپۆی و دۆکترینو جەنگو وێما هەن

مەڵامەتی دووەم جە مانگە و کانوونو دووەمو ئێساڵی گلێرۆبییە و ئەنجوومەنو فەرماندەیی ڕێکوزیا، ماوەو نۆ ڕوا بەردەوام بێ. چی گلێرۆبییەینە یاوایمێ قەرار و دۆکترینێک (شێوازو جەنگو تایبەتو ویپارێزنای). گرڏما بڕواما پینەین. ئی دۆکترینە چێوێ ئاسایی نییا. بەرمەبناو ڕوانگەکێ جەنگو گەلوو شۆڕشگێڵو ڕابەر ئاپۆین، هەرپاسە بە ئەزموونو ٤١ ساڵەو جەنگ کەردەیما ڕەخسنریان. بڕواما پانرین پی دۆکترینە سەرێ گنمێنە. هامشانو ئینەی هەڵبەتە فرە زیاتەر بڕواما بە ڕابەر ئاپۆینە. با هەنگامەی ڕابەر ئاپۆ پەرەش پنەدان، فرە بڕواما پنەشا. بەڵام ئەر ناچارێ بیمێ، بە دۆکترینو جەنگی تازەی بڕواما بە ئامادەکارییا، ئینە یاونۆما بە ئەنجام. بەڕاسی دێر گنۆنە، بەڵام ئەر دێریش بۆنە، جە ئاستێوە کاریگەرەنە خاوەن هێزێنمێ. ئیتر جەنگ بە ژمارە نییا، جەنگ بە تەکنیک و تاکتیک کریۆنە. گرڏ ئی تایبەتەمەندیێما هەنێ. جە پەکەکە و گەریلاکا ئازادی کوردەسانینە تەکنیک و تاکتیک هەن.

ئەر دۆڵەتو تورکی پاگیری جە تندوتیژی بکەرۆ، ئانە بە هۆشیاریۆ با زوانەی جوابشا مڏەیمێ کە چنەش میاوانە

جە تاکتیکی جەنگو مەڕەکا و جەنگو پسپۆینە تەمامما کەرد. پەنچ ساڵێن هەڤاڵێما بەراش ڕاوە، شارەزایی هەن، ئەزموونما هەن و قوربانی فرەما دان. واتە ئی موعجیزەما لە ئاڤاشین، مام‌رەشۆ، گردی سور؛ ئەزموونما بنیادنیان.

جە لێوەتەرۆ جە هێزەکامانە ڕۆحی فیدایی و ئاپۆچێتی بەهێزتەر بییەن. نەک تەنیا بڕێ جە هەڤاڵا فیدایی و هێزە تایبەتەکێ چالاکیێ چانە مکەرا؛ پێسە و هەڤاڵا ڕوکەنی و ساریا، ڕۆژهات و ئەرداڵ، ئاسیا و ڕۆژگەر، بەڵکوم گرڏ هەڤاڵێوە ئینێ مێڏانو جەنگو فیداینە. ئا چالاکییەی کە گەشمەرڏە باگەر گەڤەر و ئەڤزەم چنی چوار هەڤاڵا ئەنجامشا دا، قەراری فیداکارییا. شەڕ زان و ئارینیش چنیشا بێنێ، چوار هەڤاڵێ بێنێ. ئا ڕۆحە هەن. ڕۆحێت بەرز بییەنۆ.

مونزور. واتە پێوەرە بەکارئاردە و تاکتیکی و تەکنیکی، چەمدێری دوژمنی بە پێی ئا تاکتیکەی پەرەش پنەدریان، واتە ئی ئاستە جە هەڤاڵانە وەش بییەن.پەکەکە تەنیا گەریلا نییا. پەکەکە گەلا، میلیۆنان کەسێنێ. پەکەکە ئیسە ئینا سەردەمی فرە بە هێزو وێشەن.

خاڵێوە تەر دەستنیشان مکەرو. دووژمن بە تەکنیکە ئاسمانییەکا، دۆخو وێش بە هێزکەرد، بەڵام جە سەردەمی تازەنە پەی پوچەڵکەردەیۆ تەکنیکی و هەواڵگری دووژمنی، یاوێنمێ بە ئاستێوە، هەم ئاستێوە تەکنیکی گەشەش کەردەن. پەی نموونەی وستەی وارە و فڕۆکەو سیخوڕیی، باجۆرە ئێمە مزانمێش جە هەرێمەکە و ئێرانی، تورکیا، ئیسرائیل تاوانە ئا هەرمانێ بکەرا و ئێمەچ چوارەمەنمێ. جە هەرێمەکەنە دۆڵەت هەن ئی تەکنیکەشا نیا و مەتاوانە. بابەتو ئانەی کە کێ دانش و کێ نەرانش چێوێ بێ بنەمان. یاوان ئاستێوە کە تاوۆنە جە تەکنەلۆژیاو سەردەمی کۆڵاوە، زیرەکی دەستکردی وزمێنە خزمەتو جەنگیۆ.

کوڕ و کناچۍ کوردۍ ئاپۆیۍ، ڕۆحو ئاپۆچێتی نەک تەنیا جە فیداکاریینە بەڵکم جە خوڵقنایچەنە یاوان بە ئاستێوە کاریگەر. ئیساتۍ متاوا پەرە بە تەکنەلۆجیای سەردەمی بڎا. ئینەیچ  حەقەتینەکەن. جە ساڵەی وېیەردێنە پەی جەنگو درۆنی،

درۆنی جۆراوجۆر کە تاەۆنە ئامانجە دوورەکا پێکۆنە، ئاستێوە بە دەسئامان. گرڏ و ئینیشا جە دمادماییەکانە بەدی ئامێنێ. بێگومان ئینە یاگێ ڕەخنەینە. دووێ ساڵێ چێوەڵتەر ئینەما بە هەڤاڵا پەیوەندیداری وات؛ 'هەڤاڵ، دماو ئانەی گرڏما گەشمەرڏێ بیمێ، ئینجا پەرە بە تەکنەلۆژیای مڏەیمێ!.' چونکە فرە دێر کەوتەن، بەڵام ئیسە ئی دەرفەتە هەن. وەڵتەر جەنگو چێر زەمینمیما نەبێ. سەرو زرمینی جەنگ کەرێنمێ.

وەڵتەر جەنگی فیدایانە و تیمە پسپۆرییەکاما پی ڕووحێت و یاواینەی جە ئارانە نەبێ. وەڵتەر تەکنیکو ئاسمانی نەبێ تاومێنە زیاتەر پەرەش پنەدەیمه. وەڵتەر هێزەکێما ئەزموونشا چی ئاستەنە نەبێ، بەڵام ئیسە هەنما.پی جۆرە تاومێنە چی سەردەمە تازەنە بە پاو سەردەمی تازەی پەرە بە جەنگو گەریلایەتی سەدەو ٢١ دەیمێ. ئێمە پابەندێنمێ بە هێڵ و ڕوانگەکا ڕابەر ئاپۆی. هێڵە و ڕابەر ئاپۆی جابەجێ مکەرمێ، ئی کۆنگرە ئی قەرارەیە مڏۆ، بەڵام ئەر دۆڵەت و تورکی سەرەڕاو ئینەیچ، پاگیری سەرو تنوتیژی بکەرۆ ئانە تاوۆنە بە زوانێوە کە چنەش یاومێنە جوابی پەنەوازش دەیمێوە، پەنەوازا گرڏ کەسێ ئینەی بزانۆ."