جە ٥-٧ـو ئایارینە پەکەکە ١٢ـەمین کۆنگرەو ۋێش جە هەرێمەکاو پارېزنای مەدیاینە بینا، دماتەر جە ١٢و ئایارینە قەرارە هۊرگیریێکێش پەی ڕای گرڎینی وەڵۍ کەردێوە،. یۆ جە لە ئەنداماو کۆنگرەی نەدیم سەڤەن، جە کۆنگرەکەنە ئی هۊرسەنگنایێشە کەرڎۍ:  

"بە تایبەتی سڵام ۋنەو ئەرەمەرزنەرو ئی تەڤگەرەیە ڕابەر ئاپۆی مکەرو، وەشەسیایی ۋێم بەربڕو. جە کەسایەتی هەڤاڵ فوئادی و ڕەزاینە گرڎو گەشمەرڎا شۆڕشو کوردەسانی یاڎۍ مکەرووە. سەرەو ڕێزی ۋەردەمشانە منامنورە. بە هیوا و ئامانجەکاشاوە پېوەسۍ بیمۍ، تا وڵات و گلېرگەی دیموکراتیک، سۆسیالیست سەرگنۆ، سەرو ڕاو گەشمەرڎا ئازادی ملمۍ. 

مشۊم بەهاکۍ پەکەکەی ڕادەسو تاریخی بکریۆ 

ڕووبەڕوو ئەرکێوە تاریخینمۍ. ڕەنج و ئەوەکۊشای بە سەرمەشقی پەکەکەی بنیاڎ نریا، ڕەنجێوە پیرۆزا. ئینە ڕەنجو گەشمەرڎان، ڕەنجو کەلتوورو هەڤاڵیەتیا، ڕەنجو گلېرگەسازیە، ڕەنجو ڕامان و فەلسەفەو ئازادی و دیموکراسییا. ڕەنجو ئازادی ژەنۍ و سەرمەشقەو گلېرگەینە. پېسە میلیتانێوە ڕابەر ئاپۆی و کادرێوە ئی شۆڕشەیە بە دڵ و بە گیان، بە زانابیەی بەشدار بیا سەرو بنەماو گێڵای تەڤگەری سۆسیالیستی بەشدارۍ بیەیمۍ. تەڤگەری ئاپۆیی پەی گێڵایما بی بە جوابدەرەوە. جابەجێکەردەی ئازادی و دیموکراسی جە کوردەسانەنە ئەرکەکۍ ئا کاتیە بێنۍ. کریۆ فاریایما چا کاتەنە خاس نەکریا بۆ، واتە چا کاتەنە فاڕیای پەنەواز نەکریا بۆ، بەڵام جە بەها و ئامانجەکاما دوورۍ نەکەوتیمۍ. چی کۆنگرەنە کە پەکەکە ئەرکو ۋێش تەمام مکەرۆ، ئا هەرمانۍ بەنامێشۆ مکریا دمایشا پنە مارۆ، بەڵام ئەرکێوە تاریخی ڕادەسو تاریخو مرۆڤایەتی مکەرۆ. هەرپۊکەی ڕابەر ئاپۆ ماچۆ، 'سووربیەی سەرو سۆسیالیزمی سووربیەین سەرو مرۆڤبیەی'. ئێمە پاسە مېیاومېنە. 

ڕۆژەڤی سەرەکییما جابەجێکەردەی قەرارەکا ڕابەر ئاپۆیا 

بە پەیلواو من ڕۆژەڤی سەرەکی کۆنگرەکەیما یەک خاڵا. بە دڵ و بە گیان جابەجێکەردەی قەرارە ستراتیجییەکا ڕابەر ئاپۆیا. پەنەوازا بەبێ دووە دڵی کەلتووری ئاپۆیی، نەک تەنیا جە کوردەسانەنە، جە ۋەرکۊتوو مېیامینی و  سەرو تەمامو مرۆڤا جەهانیرە وەڵا بکەرمېوە. ئەرکەکېما ۋەرفراوانتەرۍ و گۊرەتەرۍ با. جە ۋەرا ۋەرو ئی ئەرکانە فرە گرنگا ۋێفاڕای و ۋۍ پەروەردەکەردەیما. ئاماڎەنا گرڎ فاڕیایۍ جە ۋێمەنە بکەرو، واوەی سڵام جە کۆنگرەو ١٢هەمینو پەکەکەی مکەرو، سڵام و ڕێز نیشانەو گرڎو هەڤاڵا مڎەو."