تل تەمرەنە پەی ئازاڎیی بەڎەنی ڕابەر ئاپۆی ڕاپیمای کریا
گەلاو شارەکا تل تەمری و زرگانی بە گرڎو پێکئامایەکاشاوە بە داواو ئازاڎیی بەڎەنی ڕابەر ئاپۆی ڕاپیمای ۋەرفراوانشا کەرڎ.
بە سەرمەشقایەتی ژەنا پێکئاماو کورد، عەرەب، ئاشووری و سوریانی شارەکا تل تەمری و زرگانی بە داواو ئازادی بەڎەنی ڕابەر ئاپۆی چالاکیێوە جەماوەریشا کەرڎ.
جەماوەرو ڕاپیماکەی کە گرڎ جە شارو تل تەمرینە کوۍ بیێوە، ۋەردەمو باڵەخانەو ئەنجوومەنو بنەیانەو گەشمەرڎا تل تەمریوە ڕاپیماکەیشا دەس پنەکەرڎ، جە ڕاپیماکەینە بە بەردەوامی درووشمۊو "بێ سەرۆکی ژیۋای نمەبۆ"یشا واتۆ و بە بەرزکەردەیۆ وێنەو ڕابەر ئاپۆی تا فولکەو قەندیل و شارەکەی بەردەوامۍ بیۍ.
ڕاپیماکەی دماو یاوایش بە فولکەو قەندیلی فاڕیا پەی گلېرۊبیەی، جە گلېرۊبیەکەینە دماو دەیەقێوە ڕێزگێرتەی هامسەرۆکۊو شارەوانی گەلو تل تەمری، جەمیلە کالۆ بە ئامەژەدای بە پرۆسەکەو ڕابەر ئاپۆی قسەکێش دەسپنەکەردۍ و واتش: "پڕۆژەو ڕابەر ئاپۆی پڕۆژەو پێوەرەژیۋای گرڎو گەل و پێکئامایەکان، بەڵام هێزە هەژموونگەراکۍ ئی پرۆژەیە بە مەترسی پەی سەروە بەرژوەندییە ۋەرتەسەکەکاشا موینا پۊکەی دژش مرداوە."
جەمیلە کاکۆ دەسنیشانش کەرڎ ئەوەکۊشای هامبەشو گەلا تا مسۆگەرکەردەی ئازادی بەڎەنی ڕابەر ئاپۆی بەردەوام بۆ.
دماتەر هامسەرۆکو پەروەردەو تل تەمری، ئەیهان یونس قسێش کەردۍ و ئاماژەش بە مڎرامانو ٢٦ ساڵەو ئیمراڵی کەرد و واتش: "پارادایمو ڕابەر ئاپۆی ڕزگاری گەلا چێردەسەین." ئەیهان یونس داواش جە گلېرگەو مېیاننەتەوەیی کەرد پەنەوازا بە فشارەکاشا تورکیای ناچار بە ئازاڎ کەردەی ڕابەر ئاپۆی بکەرا.
ڕاپیماکەی بە واتەیۆ درووشمەکا "بژیۋۆ سەرۆک ئاپۆ" و "بێ سەرۆکی ژیۋای نمەبۆ" دمایش ئاما.
