بۊنەو جەژنەو قوربانیوە، بنەیانەکۍ چنی ڕابەر ئاپۆی و زینانیا ئیمرالی عومەر خەیری کۆنار، حامیلی یڵدرم، وەیسی ئاکتاش، زەکی بایهان، مەحموود یامالاکی و ئەنگین ئاتابەی، دیدارشا کەرڎ.

جە چوارچێوەو سەردای بنەیانەکانە، هېزی ڕابەر ئاپۆ چنی برازاکاش عومەر ئۆجالان، پەرلەمانتارو دەم پارتی ڕحای و عەلی ئۆجالانی دیدارش ئەنجام دا، ئینە پەی جاری یوەمین کە ڕابەر ئاپۆ چنی هەردووە برازاکەیش دماو ٢٦ ساڵا دیدار ئەنجام مڎۆ.

جە هەمان ڕۊنە، حامیلی یڵدرم چنی براکەیش و مامۊزاکەیش، عومەر خەیری کۆناریچ چنی براکەیش دیدارشا کەرد.

هەرپاسە ئارۆ، وەیسی ئاکتاش یۆ جە زینانیا ئیمرالی، جە چوارچێوەو سەردای بنەیانەکانە چنی براکاش دیدارش کەرد.

هامکات هەر ئارۆ، حدریۆ جە ئەنگین ئاتابەی، مەحموود یامالاکی و زەکی بایهانی، کە ماوۍ چێوەڵی فاڕیێوە پەی دوورگەوو ئیمرالی چنی بنەیانەکاش دیدارشا کەرڎ.