نووسینگەو ئەرەیاۋنای پارتو یەکسانی و دیموکراسیی گەلا (دەم پارتی) دماو گلېرۊبیەو هامسەرۆکا دەم پارتی تولای حاتەم ئۆغۆللاریۍ و تونجەر باقرخانی چنی جەهەپەی و پارتو سەرجەنۆ رەفا (YRP)ی ئەرەیاۋنێوەش وەڵاکەرڎۆ.

دەم پارتی ئارەیاونۆش گفتوگۆکۍ دەربارەو ئەرەنیشتەیەکا فرە بەرهەمدارۍ بیێنۍ، ماچۆ: "جە هەردووە سەرۋنەداکەینە ئایندەو دیموکراتیکی تورکیای، دمایین دیدارو بەینو ئېژا ئۆجالانی و شاندو پارتەکەیما، قەرارەکۍ کۆنگرەو پەکەکەی جە ١٢ و ئایاری، هۊرسەنگنایشا پەی کریا. هەرپاسە هێقمکەردەی گفتوگۆو بەینو پارتە سیاسییەکا و هەنگامەکا پەی ئاشتی و چارەسەری جە پەرلەمانو تورکیاینە، تاوتوێ کریۍ. چی چوارچێوەنە، گفتوگۆ کریا سەرو گرنگی پێکئاوردەی کۆمیسیۆنێوە بە دەسەڵاتی تەمامەتیوە جە پەرلەمانو تورکیای بە جۆرێوە گرڎو پارتە سیاسییەکا بەشداری ئی پرۆسەیە بکەرا".

چەمەڕا مکریۆ ڕۆو جومعەی ٢٣ ۍ ئایاری، شاندەکە سەرۋنەو پارتو گەلەجەکی بڎۆ.