١٥ی ئایار ڕۆژی زمانی کوردی لە شاری بازەلی سویسرا بەجۆشێکی زۆرەوە پیرۆز کرا. مەراسیمی ئاهەنگە لە هۆڵی کۆنفرانسی ناوەندی کۆمەڵگەی دیموکراتیکی کورد (نەجەدەکە) لە بازەل بەڕێوەچوو و لەلایەن ئەنجومەنی ژنانی ڕۆناهی و کۆمیسیۆنی کەلتووری نەجەدەکەوە پێشەنگایەتی کرا.

 لە مەراسیمی جەژنی زمانی کوردیدا شیعر، شانۆ و ئاواز پێشکەش کرا و جەخت لەسەر گرنگی تێکۆشان لە سیاسەتەکانی ئاسمیلەکردن و قەدەغەکردنی زمانی کوردی کرایەوە. بەشداربووان بە سەماکردن، دروشم وتنەوە، وتار پێشکەش کردن دڵسۆزی خۆیان بۆ زمانی دایکی نیشاندا.

 لەم ئاهەنگەکەدا کورتە ڤیدیویەک لەلایەن کۆمیسیۆنی کولتوورییەوە سەبارەت بە ئاستەنگی و قەدەغەکردنەکانی زمانی دایکی لە زیندانەکانی تورکیا نمایش کرا.

هەروەها له میانەی ئاهەنگەکەدا ئەنستیوتی کوردی سویسرا به دەرچووانی خولی زمانی کوردی بڕوانامەی پێشکەش کرد، دواتر ئاهەنگەکە بە پێشکەش کردنی میوزیک و ئاواز، بە هەڵپەرکێ کۆتاییهات.