"جە قامیشلۆوە تا کۆبانێ، دەیان هەزار کەسۍ خاوەنداریشا کەرڎ. حیچما پنە نمەوچیۆ لایەق پی خاوەندارییە گۊرەیە بۆ. دیسان ماچمۍ: ئەرک و ۋەرپرسیاریمانە کە ئی ڕاپیمایە گۊرەو هەمڕا قەیتانی و ڕەزا ئاڵتونی بە ئایندێوە ئازاد تاجدار بکەرمۍ".
بنەیانەو عەلی حەیدەر قەیتانی و ڕەزا ئاڵتوونی، سوپاسو گرڎو ئا کەساشا کەرڎ کە بەشدارۍ تەعزیە و یاڎکەردەیۊی و چالاکییەکا بیۍ.
ئەرەیاۋناکەو بنەیانەو عەلی حەیدەر قەیتانی و ڕەزا ئاڵتوونی، پی جۆرەنە:
"جە ١٢ و ئایارو ٢٠٢٥، گەشمەرڎەبیەو ئەنداما بنەیانەکاما عەلی حەیدەر قەیتانی و ڕەزا ئاڵتوونی ئەرەیاۋېیا. ئی هەواڵە نەک هەر پەی ئێمە، پەی گرڎو ئانیشا جەنگو ئازادی و بیەو کوردی مکەرا، خەسارەتێوە گۊرە بۍ. جیای ئانەی بانۍ بە برا و کاک و کوڕێوە، ئانەشا هۊرچنی کە بانۍ بە بەشێوە جە خیاڵو گلېرگەو کوردەسانی کە هەر ساتێوەش بە ڕەنج و ۋنی و هیوا، چنیان و وەشکریان. جیای گێڵایۆ پەی دلۍ ئێمە، ئاڎۍ گەرەکشا بۍ فاڕیای بکەرا. ئێمەیچشا کەرڎۍ بە ڕێوگارۍ ڕاو ۋێشا. پۊکەی، ئێش و خەسارەتەکەو ئێمە، ئێش و خەسارەتێوە دەسە جەمعییا. پېسە بنەیانەکاشا، بە شکۆ و سەربەرزییوە نامەکاشا هۊرگێرمۍ.
ئاڎۍ میراتێوە گۊرەشا پەی جیا ئاستیمۍ. پەی ئایندەو ئازادیی گەلا کوردەسانی و ۋەرکۊتوو مېیامینی و هەر ئینسانێوە کە دژو سیستەمی ئەوەکۊشۆ، باوەڕیشا وەشکەرڎ. پەی جابەجۍ کەردەی ئی باوەڕیە، ئیرادێوە هێقمشا وەشکەرڎ. ئاڎۍ زیاتەر تەمەنو ۋێشا بەخشا بە هەمڕایا ئەوەکۊشای و ئا گلېرگەی کە سەرمەشقیش کەرێنۍ، نەوەک بە ئێمە. پۊکەی یادەوەریشا چنی هەمڕایا و گلېرگەکەیشا زیاتەرا. پۊکەی جە یانەکا ئێمە زیاتەر، چا یانا کە دانشا بەرەیشا، چا یاگانە کە جامڵۍ ئاویشا چنە واردەنۆ، چا یاگانە کە چنەش مێمانۍ بیێنۍ، کاریگەریشا نیارە و ئەوەمەڼنەو ۋێشا جیائاست. پۊکەی جە چوار پارچەو کوردەسانینە، گەل ڕۆڵەکاو ۋێش گێرۊنە ئامێز. جە قامیشلۆ تا سلێمانی، جە ئامەد تا تۆرنتۆ و شارو کۆڵنی کە ئێمە چنەشەنە ئەرەنیشتێنمۍ، دەیان هەزار کوردۍ جە ئاستێوە بەرزەنە خاوەنداریشا کەرڎ و بەشێوێوە شایستە خواحافیزیشا جە سەرمەشقەکاسا کەرڎ. حیچما پنە نمەوچیۆ کە لایەق پی خاوەندارییە گۊرەیە بۆ. دیسان ماچمۍ: ئەرک و ۋەرپرسیاریمانە کە ئی ڕاپیما گۊرەو هەمڕا قەیتانی و ڕەزا ئاڵتونی بە ئایندێوە ئازاد تاجدار بکەرمۍ.
کوردێ جە گرڏ یاگێنە بە لێشاو خاوەنداریشا جە بەهاکاشا کەرد، بەشێوێوە بێ‌وێنە وێشا یاونا بە ڕیشە و جەوهەرو وێشا، گەرەکشا بێ وێسا جە سەرچەمەکاشاوە بشناساوە و یاڏشا بکەراوە. ئینە بەهێوە فرە بەنرخا و قەرەبووش مەکریۆوە. ئانەی پەی ئێمە مەنۆوە، پارێزنا و خاوەنداری و گۆرەکەردە و ئی بەهایانە. پەی ئینەی ژیومێنە و مڏرامان مکەرمێ و بەهێزێ بیمێ.
پی بۆنۆ، سوپاس و پنەزانای وێما ئاراسە و بنەیانە و گەشمەرڏا و گرڏ و خەباتکەرا تەڤگەرو ئازادی و گرڏ و ئا کەسا مکەرمێ کە ڕاو ئاڏشاسا هپگێرت و هەناسەشا بە ئێمە بەخشا.
بە نامێ بنەیانە و هەمڕێکاشاوە قەولمڏەیمێ، ئی نەریتە نیم سەدەیە پەی سەدان ساڵێ پارێزنمێ، کە بە ڕەنج و ئیرادێوە گۆرە پەی کوردەسانێوە ئازاد بنیادنریان. چی قۆناغەو ئەوەکۆشاینە، پێسەو ئانەی بە بەشداریی دەیان هەزار کوردێ جە یاڏکەردەوەکەینە وینریێ، قەولمڏەیمێ دڵسۆزی ڕابەر ئاپۆ و گەشمەرڏا و بەهاکا ئەوەکۆشای ئازادی بانە، سەرو ئی ڕێچکەیە بەردەوامێ بیمێ.
گەشمەرڏە مەمرۆنە".
