ئەردۆغان کاتو گڵایۆنە هەنگاریانە دلێ فڕۆکەینە جواب و پرسیارە و ڕۆنامەنوویساش داوە و جەختش وست سەر و قەرارەکا کۆنگرەو پەکەکەی جە ١٢ و ئایاری، واتش: "بە نەمەن و چەکی، دەم پارتی خاستەر تاوۆنە ئەوەکۆشای سیاسی بکەرۆ".

ئەردۆغان ئەرەیاوناش دەم پارتی زیاتەر جە ٥٠ نوێنەرێش جە پەرلەمانەنە هەنێ، تاوۆنە سیاسەتێوە جیاوازتەر بکەرۆ، ئەر دەم پارتی ئی فاڕییایە جە وێشەن نیشان دۆنە، بە ئیسفادە و ویشا و وڵاتەکەیشا مەڕیۆوە.

ئەردۆغان جەبارە و داواکارییەکا پەی دەستوورێوە تازەی، واتش: "تورکیا فاڕیۆنە، جەهان فاڕیۆنە، ئێمە ئینایمێ سەردەمێوە تازەنە، بەرەو سەردەمێوە تازە هەنگامە منییەیمێ".

ئەردۆغان واتش: "جە ٤٠ ساڵی ویەردەنە ویناما چن زەحمەتا بە دەستوورو کودەتاچییەکا گلێرگە ڕێکوزیۆنە... ئیتر تورکیا مەتاوۆنە بە دەستوورو کودەتاچییەکا بەرەو ئایندە هەنگامە بنیۆ. پەنەوازیما بە دەستوورێوە مەدەنییا، نەوەک دەستووری کودەتاچییەتی. پێسە و ئاکەپەی پەی ئینەی هەرمانە مکەرمێ".

ئەردۆغان داواش کەردە چی هەنگامێنە جەهەپەچ هامکاربۆنە و واتش: "بەیدێ گرڏ پێوەرە دەس وسمێ دەسو  یۆتری. با کۆمیسیۆنەکێ ئەرەمەزیانە و جە ڕاو ئا کۆمیسیۆناوە دەستوورێوە مەدەنی بنیات بنییەیمێ و پێشکەشو گەلەکەیما بکەرمێش".

ئەردۆغان ئاماژەش پانەیەدا، هیچ کێشێوەشا جە چوار مادەو یوەم و دەستوورینە نییا و واتش: "تەنها نەخشەڕێوە دیاری مکەرمێ. تاومێنە بە خێرای لیژنەکەیما وەش بکەرمێ. چا کاتەیچ سەرۆک وەزیران بێنا حەر ئینەیە واچێنا، تاومێنە جارێوە تەر کەرمێشۆ، بەڵام مەبۆنە فرە درێژە کێشۆ. هەرپاسە دەسورێوەما پەی وڵاتەکەیما گەرەکا، نەک پەی خود و وێم. گەرەکم نییا جارێوەتەر هورچنریۆوە یان بووە بە کاندید