کیت ئۆسامۆرە، پەرلەمانتارە و پارتو کرێکارا بەریتانیای، دەربارە بە "بانگەوازو ئاشتی و گلێرگەی دیموکراتیک" ی کە جەلایەن و ڕابەر ئاپۆی و قەرارەکا کۆنگرەو ١٢و پەکەکەی کەرد کە جە ٥ هەتا ٧و ئایاری لواڕاوە، هورسەنگنایش کەرد.

کیت ئۆسامۆرە بە پێشوازیکەردەی جە قەرارەکا پەکەکەی پەی دمای ئاردەی بە ئەوەکۆشای چەکداری دما و بانگەوازەکەو ڕابەر ئاپوی پەی ئاشتی،  ئەرەیاوناش: "دما و دەیان ساڵا جەنگی و ململانێ و دەیان هەزار کوشیێ، پی قەرارەی وەرچەرخانێوە تاریخی ئامان ئاراوە."

هەنگامەی یەک لایەنێ وەسێ نییەنە

کیت ئۆسامۆرە ئاماژەش پانەیە کەرد کە هەنگامەی یەکڵایەنێ پەی ئاشتییێ بەردەوام وەسێ نییا و ئەرەیاوناش: "هامکاتەنە مشۆم حکومەتو تورکیاچ دەورو وێش گێڵنۆنە و هەنگامەی ڕۆشنە و ئەرێنیە پەئ مسۆگەرکەردە و مافە بنەڕەتییەکا گەلوو کوردی بنیۆ. پەی ئاشتیێ هەمیشەیی و ئایندێوە گەش، فرە گرنگا کە حکومەتو تورکیای دمای  بە فشارە سیاسییەکا بارۆنە و هەنگامێوە کاریگەر پەی مسۆگەرکەردە و مافە بنەڕەتییەکا گەلوو کوردی بنیۆ.

بەتایبەت گوشارە سیاسییەکا ئیسە و تورکیای سەر و دەم پارتی بە ڕاس مەزانو.

کیت ئوسامۆرە ئەرەیاوناش کە پەنەوازا حکومەتو بەریتانیای جا بارۆ پەشتگیری جە پرۆسەو ئاشتی جە تورکیای بکەرۆ و واتش: "بەریتانیا پەنەوازا بە بەکارئاردە و ئەزموونەکاش جە پرۆسەو 'رێککەوتە جەمعە و خێردار'ی  جە ئیرلەنداو سەرنیشتی، هامکاریێ کاریگەر بە ئەرەنشتەکا ئاشتی جە تورکیای بکەرۆ."

کیت ئۆسامۆ چا چوارچێوەنە ئەرەیاوناش کە چنی دەیڤید لامی وەزیرو چبەری گلێرە بۆوە و پرسیارەش چنە مکەرۆ ئایا چنی هامتا تورکیەکەی باسو قەرارەکا پەکەکەی و دۆخو بەدیل گێرتە و ڕابەر ئاپوی و پەشتیوانیەکاش پەی ئەرەنیشتە و ئاشتی کەردەن؟

"بونە بە دەنگو گەلوو کوردی"

کیت ئوسامۆرە جە دما دما قسەکاشەنە واتش: "جە نزیکۆ لواشۆنی پەی پێشئامایەکا تورکیای مکەرو، بە پەشت بەستەی بە پێگەو وێم جە پەرلەمانو بەریتانیای هەوڵ مڏۆو بونە دەنگێوە پەی ئاشتی و مسۆگەرکەردە و مافەکا گەلوو کوردی.

ئی پرۆسە ئاشتیێن نەک تەنها پەی تورکیای، بەڵکوم پەی ئارامی ناوچەکەی و یاساو مییاننەتەوەییش گرنگییێ فرەش هەن. پۆکەی پەنەوازا پەشتگیری جە چارەسەرە هەمەلایەنەکا و دادپەروەرییە بەردەوامەکا سەر و ڕاو ئاشتی کریۆنە."