جە ئەرەنیشتەی دووەم ڕۊو جڤاتی گرڎی ٢٣ەمینو کەنەکەی، کۆنسەو ڕاوەبەری هۊرچنیەیش ئەنجامدا. بە گفتوگۆ و کۆو دەنگو نوێنەرا، ١٩ ئەندامۍ کۆنسەو ڕاوەبەری بیۍ بە ٢٣ ئەندامۍ. دماتەر هۊرچنیەی کریا. کۆنگرەکە بە ۋێئشناسای ئەنداماو کۆنسەو ڕاوەبەری و پێشنیارەکا بەردەوام بی.

هامسەرۆکا کەنەکەی زەینەب مورادە و ئەحمەد کاراموس کە واوەی پېسە هامسەرۆکی هۊرچنیێوە، قسێشا کەردۍ و سوپاسو گرڎ لێوەشا کەرڎ. زەینەب مورادە ئەرەیاۋناش چی قۆناغەنە ۋەرپرسیاری گۊرەشا سەرا پەی پارېزنای دەسکەوتەکا گەلو کوردی، واتش: "مشۊم کۊششی نەتەوەیی بەدیسپلینتەر بکریۆ و زەمینەو دیپلۆماتیکی هێقمتەر بکریۆ".

ئەحمەد کاراموس ئەرەیاۋناش قۆناغەکۍ هەستیارەنە، واتش: "چی دووە ساڵۊو ۋەردەمیمانە پەی کۊششو یۊبیەی نەتەوەیی و پەیوەندیی دیپلۆماسی و مېیاننەتەوەیی پېسە یەک دەنگی هەرمانە مکەرمۍ پەی نوێنەرایەتی گەلو کوردی".

ئەندامو کۆنسەو ڕاوەبەری کەنەکەی زوبەیر ئایدار ئەرەیاۋناش پەی سەرکۊتەی پرۆسەکەی، مشۊم تورکیا دەس هۊرگێرۆ جە نکۆڵیکەردەی جە گەلو کوردی.

ئایدار داواو بەشداربیەیش چا کۆنفرانسەنە کەرڎ کە جە لایەنو کەنەکەیۆ ڕێکوزیۆ پەی یاڎو ١٠٠ ساڵەو جە قەنارەدای شێخ سەعیدی و هەڤاڵاش، وە پەی ئا گلېرۊبیەی کە جە ئەڵمانیانە ئەنجام مڎریۆ.

کۆنگرەکە بە گفتوگۆ و پێشنیارو بەشدارا چوار پارچەی و نوێنەرا پارتە سیاسییەکا و کەسە بەشدارەکا، وە باسکەردەی سەرو پارېزنای دەسکەوتەکا کوردەسانی، دمایش ئاما.

ئەنداماو کۆنسەو ڕاوەبەری کەنەکەی

ئی کەسۍ پەی کۆنسەو ڕاوەبەری کەنەکەی هۊرچنیۍ"

١- شێخ شەماڵ

٢_ ڕەفیق غەفوور

٣_ ئەکرەم حوسۆ

٤_ ئیبراهیم عەلی‌پوور

٥_ بەهزاد پیرموسا

٦_ شێرکۆ محەمەد ئەمین

٧_ فاروق جەمیل

٨_ میران ساڵەح

٩_ شوکروڵا محەمەد ئەمین

١٠_ عوسمان ئەرگین

١١_ سەعید سەنەندەجی

١٢_ یەعقوب میرزا

١٣_ زوبەیر ئایدار

١٤_ نەیلوفەر کۆچ

١٥_ ڕۆژین موکریان

١٦_ دیمەن سوهرابی

١٧_ شەهلا حەفید

١٨_ ئاریا عیسا

١٩_ فاتمە لەکتۆ

٢٠_ زەینەب موستەفا

٢١_ نورە ئالکیش

٢٢_ پەروین سەعید

٢٣_شیلان ئیمان‌ئۆغلو