نەدیم سەڤەن ئەرەیاۋناش؛ کۆنگرە بە پاو سەرنجەکا ڕابەر ئاپۆی و چېرو هەلومەرجی سەختو سیستەمو ئیمرالینە بینیا. ئاماژەش پانەیچ کەرڎ کە گرڎو هەڤاڵا بە ئیرادە و هێزێوە بەرزۆ بەشدارۍ قەرارەکا ڕابەر ئاپۆی بیۍ و چیولای پېسە کادرا میراتو ڕابەر ئاپۆی بە ئیراڎۆ هەنگامە منیا."

نەدیم سەڤەن کادری سەرمەشق و پەکەکەی، عەلی حەیدەر قەیتان و ڕەزا ئاڵتونو تەمامو گەشمەرڎا ئەوەکۊشای ئازادیش یاڎۍ ئاردێوە و ئەرەیاۋناش کە سەردەمێوە تاریخی دەسش پنەکەرڎەن.

نەدیم سەڤەن کۆنگرەو نایاسایی ١٢هەمینو پەکەکەیش بە قۆناغێوە تاریخی پێناسە کەرد و واتش: "ئینە نەک دمایی نییا بەڵکم قۆناغێوەنە کە دەسکەوتە شۆڕشگێڵنیەکۍ فاڕیاوە پەی قۆناغێوە تازۍ سیاسی و کۆمەڵایەتی."

نەدیم سەڤەن جەختش چانەیچ کەردۆ کە جە تاریخو ٥٢ساڵەو ئەوەکۊشای پەکەکەینە، ئی جمېیەرە نەک تەنیا پېسە جمېیەرۍ، بەڵکم پېسە ئامرازێوە پەی فاڕیای کۆمەڵایەتی مشۊم هۊرسەنگنایش پەی کریۆ. واتش: "هۊرسەنگنای پەکەکەی پېسە تەنها جمېیەرێوە تەمام نییا. ئا بەها شۆڕشگێڵنیۍ کە وەشۍ کریێنۍ، بنەماو ئازادیی و ئەوەکۊشای بە سەرمەشقایەتی ژەنا بەرهەم ئامان کە ڕانمونی سەدەکا ئایندەی مکەرۆ."

سەڤەن هەرپاسە جەختش سەرو جمېیەرو ئازادیی ژەنا کەرڎۆ و واتش: "پەکەکە بە سەرمەشقی ژەنا کوردی هێڵێوە ئەوەکۊشایش دژ بە گرڎ جۆرە کۆیلایەتیێوە پێشکەش کەرد. ئی جمېیەرە نەک تەنیا جە کوردەسان، بەڵکم کاریگەریش جە هەر چوار بەشو جەهانینە نیارە."

هەرپاسە سەڤەن سەبارەڎ بە قسەوباسەکا سەرو ئەوەکۊشای چەکڎاری قسێش کەردۍ و ئاماژەش پانەی دا کە ئی ڕێبازە جە پارادایمو سروشتی ئاپۆیینە نییا، بەڵکم جە ئاژەو ئا سەردەمەینە پېسە پەنەوازیۍ بیەن واتش: "ئێمە ڕووبەڕوو پێکئامای دۊڵەت نەتەوەی و مۆدێرنیتەی سەرمایەداری و فاشیستی بیەیمێوە، مڎرامانی چەکڎاری چا هەلومەرجەنە پەنەوازیێوە بۍ، بەڵام ئیساتۍ ملمېنە دلۍ سەردەمێوە تازەی و پەنەواز نییا."

نەدیم سەڤەن بە ئاماژەدای پەنەی کە ڕەخنەدای و ڕەخنەکەردەی بە جددی جە کۆنگرەنە باس کریێنۍ، واتش: "پرسیارەکۍ پېسە چی ئی فاڕیایۍ دێر ئەنجامدریۍ، چی فاڕیایەکە بە سەختی دەسشپنەکەرڎ، بە وردی ئەوەکۊڵیایشا سەر کریا. هەرپاسە هۊرسەنگنای پەی ۋېیەردەی کریا و ۋەرپرسیاری قۆناغەی تازێچ دیاریکریا."

سەڤەن ئەرەیاۋناش، ئەرکو قۆناغی ئایندەی ئینا ئەستۆو ئا کادیرانە کە بە ڕوانگێوە تازەی دیموکراتیک و سۆسیالیستیوە درێژە بە میراتو شۆڕشگێڵنیی پەکەکەی مڎا.