شەڕی ئیسرائیل-ئێران بەردەوامە و تادێت هێرشەکانیان بۆسەریەکتر سەختتر دەبێت، ئیسرائیل لە هێرشەکانییدا بۆسەر ئێران، بەتایبەت ناوەندە ئەتۆمییەکان و مووشەکییەکانی ئێران دەکات بە ئامانج.

لەبەرانبەردا ئێران وەڵامدانەوەی هێرشەکانی ڕاگەیاند و بە چەندین هێرشی مووشەکیی درێژ مەودا هێرشی کردەسەر ئیسرائیل و بەتایبەت بۆسەر تەلئەبیبی پایتەخت. دەزگای فریاکەوتنی نیشتیمانی ئیسرائیل (Magen David Ado-(MDA)دوێنی شەو لە ڕاگەیاندراوێکدا ئاشکرای کرد چەندین موشەکی ئێرانی بەر چەندین ناوەندنی وزە و شوێنی نیشتەجێبوون کەوتوون کە زۆرترینیان لە حەیفا و تەلئەبیب بووە.

لە هێرشەکاندا ئێران موشەکی بالیستی بەکارهێنا و بەر ناوەندی وزەی شاری حەیفا کەوت. لەو جێگایانەی کە ناوەندی بەرهەمهێنانی کارەبا، پەترۆڵ و پیشەسازی لێیە، دوای هێرشەکان تەقینەوەی کاریگەر و گەورەی لێکەووتەوە.

دەزگای فریاکەوتنی نیشتیمانی ئیسرائیل لە ڕاگەیاندروێکدا ئاشکرای کرد لە ئەنجامی هێرشە مووشەکییەکانی ئێراندا سێ کەس کوژراون و ٧٤ـی دیکەش بریندار بوون.

بەرفراوانبوونی دەرنجامی هێرشەکان

- لە دوایین هێرشی ئێران بۆسەر ئیسرائیل زیان بەر باڵێوزخانەی ئەمریکا کەوتووە لە تەلئەبیب.

- ئاژانسی نیمچە فەرمی فارس ڕایگەیاند کەسێک بە تۆمەتی 'سیخوڕی کردن' بۆ موساد لە سێدارە دراوە.

- وەزیری بەرگری ئیسرائیل کاتز، لەسەر تیلیگرام پەیامێکی بڵاوکردەوە و گوتی: "دیکتاتۆرییەت لە تاراندا مەرگی خۆی ئەزموون دەکات، گۆڕاوە بۆ بکووژێکی ترسنۆک و بۆ دوورخستنەوەی هێرشەکانی ئیسرائیل لەسەر خۆی بە زانابوون هێرش دەکاتەسەر بەرەی ناخۆیی مەدەنی ئیسرائیل. بەم زوانە دانیشتوانی تاران باجی ئەم کارەی دیکتاتۆر دەدەن."