بە بەشداریی دەیان گەنجێ و بە سەرمەشقایەتی یۆبییە و جوانا ئێزدخانی و یۆبییە و ژەنە جوانا شەنگالی، سەبارەت بە پەیامەکەو ڕابەر ئاپۆی کە پەی گلیرگە و ئێزدیش گیانا، گلێرێ بیێوە و بە سیمینارێوە هورسەنگیان.
هیزی جە مییانو جوانا گەشمەرڏە پیر چەکۆی جە گلێرگە و دوهۆلاو سەربە شەنگالی، بە سەرمەشقایەتی یۆبییە و جوانا ئێزدخان و یۆبییە و ژەنە جوانا شەنگالی، پەی یاواینەی جە پەیام و ڕابەر و گەلوو کوردی عەبدوڵا ئۆجالان پەی گلێرگەی ئێزدی گلێرێ بیێوە.
گلێرۆبییەکەی بە دەقێوە ڕێزگێرتەی جە گەشمەرڏا سەرمەشقق پەکەکەی “ڕەزا ئاڵتون و عەلی حەیدەر قەیتان” و گەشمەرڏێ تەرێ ڕا و ئازادی دەسش پنەکەرد، دماتەر جە گلێرۆبییەکەینە پەیامو ڕابەر ئاپۆی پەی گلێرگە و ئێزدی ونریاوە و قسێش سەر کریا.
جە گلێرۆبییەکەینە حەبیب شەنگالیە، ئەندامە و یۆبییە و جوانا ئێزیدخانی واتش: "گلێرۆبییەکەیما سەرو بنەماو پەیامەکەو ڕابەر ئاپۆی پەی گلێرگە و ئێزدی ئەنجام دان، پەیامو ڕابەر ئاپۆی تەنیا پەی جوانا نا، بەڵكوم فرە گرنگ بێ پەی گلێرگە و ئێزدی، فکرو ڕابەر ئاپۆی ئێمەش سەرو پەیا وێما ئاستۆ، بە فکرەکەش هێزو وێما ڕێکوست و تاواما ڕاگیری جە کۆمکوژییەکەی وەرفراوان کەرمێنە، گلێرگەی ئێزدی هەڵای تەرسەی گۆرێش ئینا سەرۆ، جە چواردەورمانە جەنگ و پەنەوازا هێزو وێ پارێزنایما زیاتەر بکەرمێ."
