هۆرامی

دوایین ھەواڵ

• چن شارێنە داواو ئازادی جەسەیی ڕابەر ئاپۆی کریا 

  جە شارەکا قامیشلۆی، حەسەکە، کۆبانێ و حەلەبو هەرێمو سەرنیشتوو وەرکەوتوو سووریای بە هەزاران کەسێ داواو ئازادی جەسەیی ڕابەر ئاپۆیشا کەرد و پەیامو بەردەوامیی سەرو ئەوەکۆشای دریا.
• گوڵجان کاچمازە؛ کۆنفرانسو یەکهەڵوێسی کوردیی هێماو پێوەرە ژیوای هامبەشین 

  پەرلەمانتارو وانی دەم پارتی گوڵجان کاچماز سایگیتە هورسەنگنایش پەی ئا رەخنا کەرد کە کریێنێ سەرو کۆنفرانسو یەکڕیزی کوردیی جە وەرنیشتەنە و واتش: "ئامانجو کۆنفرانسەکەی دوورا جە پارچەکەردەی، بە پێچەوانە پەی بنیادنیاو پێوەرە ژیوای هامبەشا."
• دەم پارتی ڕۆو جەهانی ئازادی ئەرەیاونایش موبارەک کەرد 

  دەم پارتی بە پەیامێوە ٣ی ئایاری ڕۆو جەهانی ئازادی ئەرەیاونایش موبارەک کەرد
• 'جەنگ مەڵامەتو هەژاری و قەیرانەکان و ئاشتی چارەسەرا' 

  کرێکارێ و زەخمەتکێشێ کە بەشداری ١و ئایارو ئامەدی بیێ و واتشا: "جەنگ مەڵامەتو هەژاری و قەیرانەکا وڵاتین، ئەر ئاشتیی بێ ئاراور ئانە ئایندەو زاڕۆڵەکاما ڕەخسنۆنە."
• ١ویاری جە کانتۆنو فوراتینە بە جۆشو خرۆشۆ موبارەک کریا 

  گەلوو کانتۆنو فوراتی جە مێڏانو گەشمەرڏە عەگیدینە جە کۆبانێنە بە جۆشو خرۆشۆ ١و ئایاری ڕۆو جەهانی کرێکاراشا موبارەک کەرد.
• ١ویاری سلێمانینە موبارەکە کریا 

  شارو سلێمانینە بە ڕاپیمای جەماوەری ١و ئایاری ڕۆو جەهانی کرێکارا بە دروشمو "نان، هەرمانە، ئازادیی" موبارەکە کریا.
• نەرویجەنە مەراسیمێوە یاڏکەردەیۆ پەی هەڤاڵ حاجی ئەحمەدی لواڕاوە 

  نەرویجەنە بە بۆنۆ و چلێ عەمرەو خوای هەڤاڵ حاجی ئەحمەدی مەراسیمێوە یاڏکەردەیۆ و ڕێز ونە نییای لوا ڕاوە.
• ١و ئایاری ئەنقەرەنە: بژیوۆنە ڕابەر ئاپۆ 

  بەدەیان هەزار کەسێ جە زەماوەنەکا ١و ئایاری ئەنقەرەنە بەشداریشا کەرد و جە مێڏانەکانە دروشموو "بژیوۆنە ڕابەر ئاپۆ"شا واتۆ.
• سۆهر: بە مەڵامەتو جەنگی وگرژییەکاوە جە ماوەو دووێ ڕوانە ٧٣ کەسێ جە سووریانە کوشیێنێ 

  ڕوانگەو سووری پەی مافەکا مرۆڤی (سۆهر) ئەرەیاوناش جەنگوو و گرژییەکا دەشتایەکا دیمەشقینە و سوریانە کە ماوەو دووێ ڕوان بەردەواما ٧٣ کەسێ کوشیێنێ کە فرەیشا چەکدارێ دورزینێ.
• جۆشو خرۊشو ١ و ئایاری ۋەرنیشتەنە 

  بە درووشمۊو "بە بانگەوازو ئاشتی و گلېرگەی دیموکراتیکی، پێوەرە ١ و ئایاری پیرۆز مکەرمۍ" جە دەگاو سویدیکێ و دێرکی و دەگاو مزگەفتێی تربەسپی، ١ و ئایاری، ڕۊو جەهانی کرێکارا پیرۆز کریا.
• تولای حاتەم ئۆغۆللاریە: پېوەرە بەشێوێوە ڕێکوزیا ئەوەکۊشای مکەرمۍ 

  تولای حاتەم ئۆغۆللاریە واتش: "ئەر بتاومۍ گلېرگێوە دیموکراتیک بە ڕێکوستەی بکەرمۍ، چارەسەری دیموکراتیک و ئاشتییانەو پرسو کوردی مۍ دی، ئینەیچ ڕا پەی ئەوەکۊشای هەرمانۍ مکەرۊوە".
• جە دووۍ قۆڵېوە ئاماڎەکاری مکریۆ پەی ڕاپیماو ١ و ئایاری جە کادیکۆ 

  وەڵۍ گلېرۊبیەو ١ و ئایاری، ڕۊو یۊبیەی و ئەوەکۊشای و پەشتیوانی جە مېڎانوو ڕیتمو کادیکۆو ئیستەنبوڵی، جەماوەر جە دوۍ نوقتێوە کوۍ بیێوە و چەمەڕاو کاتو دەسپنەکەردەو ڕاپیماکەی مکەرا.
• پەژاک: کرێکارۍ هێزی بنیاتنەرو ژیۋای ئازادینۍ ۋەرا ۋەر بە دەسەڵاتە قۆرخکارەکا 

  پەژاک بە ئەرەیاونێوە، ١ و ئایاری رۆو جەهانی کرێکاراش موبارەک کەرد، داواش جە گەلو کوردی و کرێکارا و زەحمەتکێشا و ژەنا و جوانا کەرد، ئەوەکۆشایشا بێ مردای فراوانتەر بکەرا و چالاکییەکا سەرو بنەماو ئازادی رابەر ئاپۆی و چارەسەرو پرسو کوردی بیاونا بە قولەپۊپە.
• کەنەکە ١و ئایاریش پیرۆز کەرد 

  کەنەکە ١و ئایاری جەژنەو کرێکارا و ڕەنجدەراش پیرۆزە کەرڎە و داواش جە کوردەسانیا کەرڎ بە کەیفو سەفاو نەورۆزیوە بەشداری چالاکییەکاو ١و ئایاری بکەرا.
• کەژەکە: تا ژەنی ئازاڎە نەبۆ، هەرمانەیچ ئازاڎە نمەبۆ 

  کۆردیناسیۆنو کەژەکەی دەسنیشانش کەرڎ، پەنەوازا بۊنەو ئازاڎیی هەرمانۍ و ڕەنجدەرانە سیستەمو پیاسالاری هۊرشێویۆوە و واتش: "تا ژەنی ئازاڎە نەبۆ ژیۋای ئازاڎ نمەبۆ، تا ژیۋایچ ئازاڎ نەبۆ هەرمانە ئازاڎە نمەبۆ."
• قەسەدە ئشناسنامەو پەنج جەنگەوانا گەشمەرڎاش ئاشکرا کەرد 

  مېیانو ئەرەیاۋنای قەسەدەی ئشناسنامەو پەنج جەنگەوانە گەشمەرڎاش ئاشکرا کەرد کە جە ٢٨و نیسانینە جە دێرەزۆرنە جە ئاکامو هرووژمېوە چەتەکا داعشینە گەشمەرڎۍ بیۍ.
• باقرخان بانگەوازو ٢٧و شوباتیش پێسەو وڕناو دیوارو بەرلین وەسف کەرد 

  هامسەرۆکو گرڏی دەم پارتی تونجەر باقرخان ئامەدەنە چنی جوانا گلێربییۆ و ئەرەیاوناش بانگەوازەکەو ڕابەر ئاپۆی، بانگەوازو وڕناو دیوارو بەرلینین دلێ گەلانە.
• نەورۆز ئویساڵە: ئازاڎیی زینانیا بەشێوێوە ئارەزوومەندانە پاشێل مکریۆ 

  پەرلەمانتارەو شەرناخو دەم پارتی نەورۆز ئویساڵ ئاسڵانە جە پەرلەمانەنە کۆنگرێوە ڕۆنامەنوویسیش بینا و سەرنجش وست سەرو پاشێلکارییەکا مافو مرۆڤی جە زینانەکانە.
• بەڵگەفیلمو "ناوچەی قەڎەغەکریا"ی دەربارەو هرووژمەکا سوپاو تورکی وەڵا کریاوە 

  بەڵگەفیلمو "ناوچەی قەڎەغەکریا"ی جە بەرهەمئاوردەی کەناڵو (BBC) بەریتانی، دەربارەو هرووژمەکا سوپاو تورکی پەی سەرو پانیشتوو کوردەسانی وەڵا کریاوە.
• ئێشکگیری ئازاڎیی پەی ڕابەر ئاپۆی ٦٧١ حەفتێن بەردەواما 

  ئێشکگیری ئازاڎیی جە ٢٥و حوزەیرانو ٢٠١٢یۆ بە سەرمەشقایەتی دەسوەڵێوستەی ئازاڎیی پەی ڕابەر ئاپۆی جە شارو ستراسبۆرگو فەڕەنساینە دەسش پنەکەرڎەن، جە حەفتەو ٦٧١ینە گرووپو برەنگەزی ئێشکگیرییەکەشا هۊرگېرت.
• هەپەگە: هرووژمو کاسەلێسا جەنگی بەردەواما 

  هەپەگە ئەرەیاۋناش جە کاتو ئەرەیاۋنای ئاېێربەسیوە تا ئیساتۍ هرووژمەکۍ سوپاو تورکی ئەرەگیری سەرەمڕە بەردەوامێنۍ و ئاماژەش پانەیچ دان هێزەکۍ سەر بە پەدەکەیچ جە هەوڵەکا گەمارۆدای، ڕا وستەیرەی و هەواڵگری پەی دۊڵەتو ئەرەگیرو تورکی درێژەش هەن.
• جەنگاوەرا ماکی بۆنۆ و ١و ئایاریۊ بانگەوازو بەرزکەردەیۆ و ئەوەکۆشایشا کەرد 

  جەنگاوەرا ئازادیی کوردەسانی (ماک) بۆنۆ و ١و ئایاری، ڕۆو جەهانی کرێکاراوە، ئەرەیاونێوەش وەڵاکەردۆ و بانگەوازو بەرزکەردەیۊ ئەوەکۆشای و مڏرامانش پەی دیموکراسی و ئازادی کەرد.
• بە ڕاپیمایۍ جەماوەری گەمارۆدای کەمپو مەخموری جە لایەنو عێراقیوە شەرمەزار کریا 

  بە ڕاپیمایۍ جەماوەری گەمارۆدای و فشارەکۍ عێراقی پەی سەرو کەمپو گەشمەرڎە ڕۆستەم جودی جە مەخمورنە شەرمەزار کریۍ.
• ژەنێ ئێزدیێ داواو مردناو هرووژمەکا سەر و گەریلایشا کەرد 

  ژەنێ ئێزدیێ جە شەنگالەنە کۆنگرێوە ڕۆنامەوانیشا ئەنجام دا و هرووژمەکێ دۆڵەتو تورکیشا پەی سەرو مێڏانەکا گەریلای شەرمەزارۍ کەردۍ.
• کەجەکە: جە ١و ئایارینە یۊبیەی و پەشتیوانی بەهێز بکەردۍ و پەرە بە ۋەرفراوانکەردەی ئەوەکۊشای بڎەیدۍ 

  هامسەرۆکایەتی کۆنسەو ڕاوەبەری کەجەکەی بۆنەو ١و ئایاری جەژنەو کرێکاراوە پەیامێوەش وەڵاکەرڎۆ و داواش جە گرڎو هێزە دیموکراسیوازەکا کەرڎ یۊبیەی و پەشتیوانی بەهێز بکەرا. هەرپاسە بانگەوازش پەی ۋەرفراوانکەردەی ئەوەکۊشای کەرڎ.