جە مییانو کۆنگرەو کلتووری ئامەدینە، بە دەسوەڵوستەی تەڤگەرو ژەنا ئازادی (تەژەئا) یوەمین کۆنفرانسو ژەنا پەرلەمانتارێ کوردی، بە درووشمو "سیاسەتی دیموکراتیک مکەرمێ، گلێرگەی دیموکراتیکی بنیاد منییەیمه" دەسش پنەکەرد.

جە سەرەتاو کۆنفرانسەکەینە بە زوانو کوردی، تورکی، عەرەبی، لافیتێ "ژەنی سیاسەتو دیموکراتیکی بەرۆڕاوە، گلێرگەو دیموکراتیکی بنیاد منییەیمێ"، "ژەنی، ژیوای، ئازادی" و "ئەر ژەنی ئازادە بۆنە، گلێرگەیش ئازاد بۆنە" هورواسیێنێ.
جە پانیشتوو کوردەسانی، ژمارێوە ژەنێ پەرلەمانتارێ جە فراکسیۆنەکا (یەنەکە، گۆڕان، پەدەکە، یەکگرتوو، کۆمەڵ) لە ئەنجوومەنو نوێنەرا هەرێمو کوردەسانی و عێراقی بەشداریشا کەردەن، هەرپاسە جەلایەن و دۆڵەتو تورکیۆ ڕاگیری جە ژمارێوە ژەنە پەرلەمانتارێ تەرێ کریان بەشداریی بکەرا.

کۆنفرانسەکە بە دەقێوە ڕێزگێرتەی دەسش پنەکەرد و دماتەر گوڵجان کاچماز سایگیتە، هامسەرۆکە و دەسوەڵوستەی یۆبییە و دیموکراتیکی جە کۆنفرانسەکەنە قسێش کەردێ.

جە بەردەوامی کۆنفرانسەکەینە هامسەرۆکە و کۆنگرەو گلێرگە و دیموکراتیکیو (کەجەدە) ی لەیلا گوڤەنە کە جە گرتووخانەو ژەنق سنجارینە ئینا زینانەنە، پەیامێوەش پەی کۆنفرانسەکەی گیان 

پەیامو لەیلا گوڤەنێ جەلایەنو ئەندامو تەژەئای، مزگین ئیرگاتێوە ونریاوە.

جە بەشێوە پەیامەکەینە لەیلا گوڤەنە باسش چانەیە کەرد بە زانستو ژنۆلۆژییۆ مشۆم هەم جە ئاستو نەتەوەیی و هەمیچ جە ئاستو چاندو ژەناوە پلانسازی وێشا بکەرا و واتش: "ئێمەی ژەنە کوردا فرە بە بەختێنمه، چونکە هەمڕێوە پێسەو ئۆجالانیما هەن. وێماش پنە ئشناسایمێ. بڕوا چانێنە کۆنفرانسەکە سەرکۆتە بۆنە و ڕا پەی سەردەمێوە تازەی بکەرۆوە. هیواو سەرکۆتەیتا پەی وازونە."