ئەمریکا و ئێران جارێوەتەر عومانەنە کوۍ بیێوە
ۋەرپەرسا ئەمریکا و ئێرانی پەی درێژەدای بە گفتوگۊیەکاشا سەبارەت بە بەرنامە ئەتۆمییەکەو ئێرانی، ئارۆ یەکشەممە جە عومانەنە کوۍ بیێوە.
خولی چوارەمو گفتوگۆو بەینو ئەمریکا و ئێرانی جە بارەو بەرنامە ئەتۆمییەکەو تارانی جە شارو مەسقەت و پایتەختو عومانینە دەسش پنەکەرڎ، ئانەیچ جە کاتێنە، هېزی عەباس عێراقچی، وەزیرو جبەرو ئێرانی ئەرەیاۋناش، ئەر ئەمریکا ئامانجش جە گفتوگۊیەکا بێبەشکەردەی مافو ئەتۆمی بۆ، ئانە ئێران حەجگیز دەسبەردارو ئا مافا نمەبۆ.
میدیا جەهانییەكۍ دەسپنەکەردەی خولی چوارەمو گفتوگۆو بەینو ئەمریكا و ئێرانینە پی جۊرە زانیاریشا وست ڕووە.
میدیا جەهانییەكۍ وەڵاشا کەرڎۆ، كەمێ چێوەڵی خولی چوارەمو گفتوگۊو بەینو ئەمریکا و ئێرانی جە بارەو بەرنامە ئەتۆمییەکەو تارانیوە جە شارو مەسقەت و پایتەختو عومانینە دەسش پنە کەرڎ
ئانەیچ جە کاتێنە، هېزی عەباس عێراقچی، وەزیرو جبەرو ئێرانی ئەرەیاۋناش، ئەر ئەمریکا ئامانجش جە گفتوگۊیەکا بێبەشکەردەی مافو ئەتۆمی بۆ، ئانە ئێران حەجگیز دەسبەردارو ئا مافا نمەبۆ.
یاگۍ ئاماژەیا، گەڕی یووەم و دووەم و یەرەمو گفتوگۊیەکا بەینو ئێران و ئەمریکای جە ١٢و ١٩ و ٢٦و نیسانو ٢٠٢٥ ینە جە مەسقەت و ڕۆمانە بە مېیانجی عومانی لوواڕاوە.
