ئامەدەنە مەراسیمی جەماوەری پەی یاڎکەردەیۆ گەشمەرڎا سەرمەشقی ئەنجام مڎریۆ
پەی هەردووە کادرۍ سەرمەشقۍ پەکەکەی گەشمەرڎە عەلی حەیدەر قەیتان و ڕەزا ئاڵتوونی جە ١٨و ئایاری ڕۊو یەکشەممەی مەراسیمێوە جەماوەری بەرز ڕاگېرتەی یاڎکەردەیۆ ئەنجام مڎریۆ.
ئامەدەنە جە ڕۆو ١٨ـو ئایاری- یەکشەممە پەی هەردووە کادرۍ سەرمەشقۍ پەکەکەی عەلی حەیدەر قەیتانی و ڕەزا ئاڵتوونی کە جە کۆنگرەو ١٢ـەمینو پەکەکەینە گەشمەرڎەبیەیشا ئەرەیاۋېیا، مەراسیمێوە جەماوەری لایەق بە یاڎکەردەیۊیشا ئەنجام مڎریۆ.
مەراسیمو یاڎکەردەیۊکەی جە مېڎانو داغکاپ و شێخ سەعیدیینە جە ناوچەو سوری، جە ڕۊو ١٨و ئایاری- یەکشەممە سەعات ١٥:٠٠ دەسپنە مکەرۆ.
جە بارەو مەراسیمەکەیۆ هامسەرۆکو مەبیا-دەری محمەد ئەمین کلچ بانگەوازش پەی بەشداربیەی ۋەرفراوانی کەرڎ.
هەرپاسە هامسەرۆکو ئامەدو دەم پارتی عەباس شاهین و هامسەرۆکۊو ئامەدو دەبەپەی ڕوچەم وەفا بە هەمان مەبەس بانگەوازشا پەی بەشداربیەی بەهێزی و خاوەنداریکەردەی جە یاڎ کەردەیۆ گەشمەرڎا کەرڎ.
