ئەندامێ کۆنگرەو نەتەوەیی کوردەسانی (کەنەکە)؛ نیاز عەبدوڵا، ڕەفیق عەبدوڵا و سیاسەتەمەدار و نوویسەر شاهۆ پاڵانیایۍ جە ڕاو  ئاژانسو هەواڵو فوراتی (ANF)یۆ هورسەنگنایشا پەی پارادایمو تازە و ڕابەر ئاپۆی و دماین  پێشئامایەکا وەرکەوتوو مییامینی کەرد.

'مشۆم سوپاو تورکی جە پانیشتوو کوردەسانینە کیشیۆوە'

ڕۆنامەوانە نیاز عەبدوڵا باسش چانەی کەرد بانگەوازو ئاشتی گرنگ و کاریگەرا، ئی پرۆسە تازە بە تایبەت کاریگەری و گرنگیش پەی وەرنیشتوو کوردەسانی هەن. نیاز عەبدوڵا ئەرەیاوناش ئی پرۆسە کاریگەری سەر و ئیدارەو پانیشتوو کوردەسانی مکەرۆ.

نیاز عەبدوڵا ئاماژەش پانەی دا بە ئیسەیشۆ سوپاو تورکی درێژە بە هرووژمەکاش مرۆنە سەر و خاکو پانیشتوو کوردەسانی و واتش: "ئی هرووژمێ بە تایبەت کاریگەریشا سەر و ئەرەنیشتا بادینانی نیان. گەشمەرڏەبییەیش چنە کەوتۆ، خەڵکی ناچار بەچۆڵكەردە و یاگێ و خاڵ وێشا بیێ. چنی دەستپنکەردە و ئی پرۆسەیە پەنەوازا سوپاو تورکی بە تەمامەتی جە پانیشتوو کوردەسانی کیشیۆوە. ئیتر هیچ پاساوێشا نەمەنەن. هەرپاسە پەنەوازا دمای بە هرووژمەکا پەی سەر و وەرنیشتوو کوردەسانی بارانە و چاکەیش کیشیاوە. مشۆم کوردێ جە چوارچێوەو سووریاینە کێشەکێش چنی دیمەشقئ چارەسەر بکەرۆ؛ ئیتر کاتو ئانەین دۆڵەتو تورکی دەسوەردای سیاسەتو دلینە و سووریای نەکەرۆ."

نیاز عەبدوڵا ئانەیشش دەستنیشان کەرد مشۆم جە سەرنیشتوو کوردسانیش میکانیزمو سیاسەت کەردەی فاڕیۆنە و پەرە بە سیاسەتو دیموکراتیکی دریۆنر  و واتش: "ئی بانگەوازییە فرە گرنگا، چونکە عەبدوڵا ئۆجالان بانگەوازو ئاشتی جە حەر یۆ جە بارزانی و مەزڵوم کۆبانێ و گرڏ کوردێوە کەرد.

'نزیکایەتی دۆڵەتو تورکی کاریگەرا'

سیاسەتەمەدار شاهۆ پاڵانیایچ باسش چانەی کەرد وەرکەوتوو دلێڕاسەی بە قۆناغێوە تازەنە ویەرۆنە و واتش: "سەدێوە سەر و پەیماننامە و لۆزانینە ویەرۆنە. قۆناغو سیاسەتو نکۆڵی و دلێنە بەردەی ویەرد. جارۆنە کوردێ ئی ئاستەنگییەشا دلێنە بەرد. پەنەوازا ویر چانەی کریۆوە ج جۆرە سیستەمێوە بنیادنریۆنە. پرۆسەو تازە و عەبدوڵا ئۆجالانی و ئاماژە دیموکراتیکییەکێ پەی ئاشتی فرە گرنگێنێ. بێگومان نزیکایەتی ئەرێنی دۆڵەتو تورکیش گرنگا.

'گرڏما وەرپرسیارێنمێ جە بنیادنیا و گلێرگە و دیموکراتیکی'

ڕەفیق غەفوور سەرنجش وست سەر و گرنگی پرۆسەو تازەی و باسش چانەی کەرد پەنەوازا گەلوو کوردی مەرجەکا وێش خوڵقنۆنە و بە پاە ئا هەنگاما کە دۆڵەتو تورکی گێرۆنە وەر پرۆسەکەی دیاری بکەرۆ.

ڕەفیق غەفوور باسش چانەی کەرد  پارادایمی تازە و ڕابەر ئاپۆی پەی گرڏ ناوچێوە دیدگایی چارەسەرییش هەن و واتش: "پەنەوازا بە سەرنج و وریاییۆ خاوەنداری چی پرۆسەیە بکەرمێ. گرڏما وەرپرسیارێنمێ جە ئاست گلێرگە و دیموکراتیکینە. پەنەوازا دۆڵەتو تورکیچ سیاسەتەکاش فاڕۆنە و بە فاڕییای گۆرە خاوەنداری جە پرۆسەکەی بکەرۆ. پی دۆخەو ئیسەیۆ پرۆسەکە گەشە مەکەرۆ، فاڕییای مەرجا.