کۆنفرانسەکە بە نامێ 'پەرسە و کوردی و پێشئامایەکا جە وەرکەتوو مییامینی' کە جە لایەن و مییانو ئەوەکۆڵییای وەرکەوتوو مییامین و ئیسلامیۆ جە ئەسینای و پایتەختو یۆنانی ڕێکوزیا، دەسش پنەکەرد.

جە کۆنفرانسەکەنە هامسەرۆکو پەیەدەی غەریب حەسۆ، هامسەرۆکو پەیوەندییەکا چبەرو  ئیدارەو وێڕاوەبەری سەرنیشتوو و وەرکەوتوو سووریای ئیلهام ئەحمەدە، هامسەرۆکە و نوسینگەو پەیوەندییە دیپلۆماسییەکا پەیەدەی سەما بەگداشە، ئەکادیمستەکێ، سیاسەتمەدارێ و ڕۆنامەوانێ ئامادە بێنێ.

هامسەرۆکو پەیەدەی غەریب حەسۆ، جە قسەکاشەنە هرووژمەکا ڕژێمو بەعسی و چەتەکا داعشیش یاڏوستیمێ، ئاماژەش پانەیەدا تاوانەکێ جەنگی و هرووژمەکێ دۆڵەتو تورکی بەردەوامێنێ. هەرپاسە سەرنجش وست سەر و ئانەیچ چەتەکێ ئەل نوسرەی جە ڕاو هەتەشەیۆ دەسەڵاتشا بە دەسئاردەن و دلێ ڕژێمینە چنین چەتێ بییەیشا هەن هەرپاسە تورکیا بە شێوێ ئاشکرا پەشتگیریشا مۆەرۆ و واتش: "ئامانجی سەرەکیشا دلێنە بەردە و پڕۆژەو دیموکراتیکیا."

حەسۆ ئاماژەش پانەیەدا سیستەمێوە دیموکراتیکشا گەرەکا کە مافەکێ گەلوو کوردیش چنە بشناسریۆ و سوپاسو گەلوو یۆنانیش کەرد پەی پەشتیوانی کەردەیشا.

جە تەمامو ڕووەکەینە یەرێ ئەرەنیشتێ و دووێ وتارێ پێشکەش کریێ.

جە ئەرەنیشتە و یوەمینە دۆخو ئیسە و کوردا جە سووریانە هورسەنگنمێنە. ئەرەنیشتەکەی بەسەرپەرەشتی زەکیە ئاقرا ئەنجام دریۆنە. جە قسەکانە پرۆفیسۆر سۆتیریس ڕۆسۆس جە زانکۆو پێلۆپۆنێس، پرۆفیسۆری یاریدەدەر ئەنتۆنیس دێریزۆتیس جە زانکۆو نیشتمانی و کاپۆدیستریای ئەسینای و ئەکادیمیست کاتیا زاگۆریتۆ بەشدارێ بانە.

دما نیمەڕۆ وەزیرو وەڵینو چبەرو یۆنانی نیکۆس کۆتزیاسڤ سەعات ١٢:٠٠ وتارێوە سەرەکی پێشکەشە مکەرۆ.

جە ئەرەنیشتەکەینە بە سەرپەرەشتی ئیۆنیس ئەلبانیس، ڕۆنامەوانێ ستاڤرۆس لیگێرۆس، پترۆس پاپاکۆنستانتینۆ، زانکۆو هەولێری دۆچەنت تۆماس شمیدینگەر، جە زانکۆو جۆرج واشنتۆنی پرۆفیسۆر ئیمی ئۆستین هۆڵمز وتارەش پێشکەش کەردە.

دماو ئانەی هامسەرۆکو بەشو پەیوەندییەکا چبەرو  ئیدارەو وێڕاوەبەری سەرنیشتوو وەرکەوتوو سووریای ئیلهام ئەحمەدە وتارێوە پێشکەش مکەرۆ.

هەرپاسر جە ئەرەنیشتەی دماینە هێزە هەرێمییەکێ و پەرسە و کوردی تاوتوێ کەرانە. پرۆفیسۆر کۆنستنتینۆس فیلیز، مامۆسا و زانکۆو نیکۆزیای ستاڤرۆس دراکۆلاراکۆس، ئەکادیمیستی زانکۆو لایپزیگ کەمال چۆمانی بەشداری ئەرەنیشتەکەی بانە، کە سۆتیریس ڕۆسۆس سەرپەرشتیش مکەرۆ.