پلاتفۆڕمو ئازادی و ئاشتی ئەوروپای (EFFP)، پەی ئی مەبەسەیە کەمپینو "گەرەکما چنی عەبدوڵا ئۆجالانی گلێرەبووە" دەسش پنەکەرد. جە چوارچێوەو گلێرۆبییەکانە دواکاریش پێشکەش و وەزارەتو دادو تورکیای کەرد. هەرپاسە پەیامێ کەمپینەکەیش بە دیمەنێوە جە دیجتاڵ مییدیاینە وەڵاکەردێوە.

جە چوارچێوەو کەمپینەکەینە ئەکادیمێ، هونەرمەندێ، سیاسەتمەدارێ، ڕۆنامەوانێ، یاساناسێ، ئەزمووندارێ، پارێزنەرێ مافەکا مرۆڤی، چالاکوانێ و کەسێ بەشە جیاوازەکا ڕاو گرڏی مییاننەتەوەیی داواکاری ڕەسمیش جە وەزارەتو دادو تورکیای مکەرا پەی دیدارکەردە و ڕابەر ئاپۆی.

ئەندامو کۆردیناسیۆنو پلاتفۆڕمو ئازادی و ئاشتی ئەوروپای (EFFP)، پرۆفیسۆر نەشە ئۆزگەنە جە بارەو ئامانجو کەمپینەکەیۆ پەی ئاژانسیما قسيش کەردێ

پلاتفۆرمو ئازادی و ئاشتی                          

پرۆفیسۆر نەشە ئۆزگەنە ئاشکراش کەرد پلاتفۆرمو ئازادی و ئاشتی ماوەو شش ساڵان خەبات مکەرۆ و نزیکەو ٣٠٠ بەشێش هەن. گەشە ئاماژەش پانەی دا پەرە بە سیاسەت و تازەو تاراوگەی مرانە و واتش: "تەنیا پەیوەس نیا بە ڕووەدایەکا کوردەسانی و تورکیایۆ، بەڵکوم پەیوەسێنێ بە مافو سەرگوونکریایا ئەوروپای و سیاسەتە ماوەکوڵەکێ ئەوروپایشۆ. یانی هەوڵمرانە بە هەرمانەکێما سیاسەتەکێ تورکیای و کوردەستانی و ئانێ ئەوروپای پێوەرە بەساوە."

'داواما پەرەداین بە ئەوەکۆشای ئاشتی و دیموکراسی'

ئۆزگەن ئاشکراش کەرد سەرمەشقایەتی کەمپینەکەی مکەرا و گرووپە چەپەکا پەرلەمانو ئەوروپایش پەشتیوانی جە کەمپینەکەی مکەرا. گرڏو ئینیشا بە مەبەسو پەرەدای بە ئەوەکۆشای ئاشتی و دیموکراسی و واتش: " ئێمە گەرەکمانە بۆشایی بەینو ئی چەمکا پەڕبکەرمێوە، ئاشتی چێشا، ئازادی چێشا؟ دیموکراسی پەی کۆکەین؟ ئێمە چ جۆرە دیموکراسیێما گەرەکا؟."

'ئامانجو سەرەکی کەمپینەکەی ئازادی ئۆجالانی'

ئۆزگەنە دەسنیشانش کەرد ئامانجو کەمپینەکەی ئازادی جەسەیی ڕابەر ئاپۆین و پەی ئینەیچ گەرەکشانە سەر و ئاستو گرڏ و بەشەکا گلێرگەی داواکاری پەی گلێرۆبییەی چنی ڕابەر ئاپۆی پێشکەش بکەرا، ئینەیچ بەماناو بەشداری گەلی مێ جە پرۆسەکەی.

پەیوەس بە پرۆسەکەی ئۆزگەنە ئاماژەش پانەی دا گلێرۆبییە و ئاشتی بەینو هەدووی لایەنەکا درێژەش هەن و واتش: " تەنیا دەنگو لایەنێوە شنەومێ جە پرۆسەکەنە ئایچ دەنگو حکومەتی و دۆڵەتیا، مافو شنەویە و دەنگو ئۆجالانی و تەڤگەرو ئازادی کوردی جاریشا زەوتکریان. ئانەی کورد سەرمەشقایەتیش مکەرۆ تەنها مەسەلێ چەک نیارەی نییا بەڵکوم بانگەوازییا پەی ئاشتی."

ئۆزگەنە ئاماژەش پانەیش دا، ئاڏێ هاشتاگو " VisitOcalan "شا دەسپنەکەردەن، بەڵام ئینە تەنیا کەمپینێوە هاشتاگی دیجیتاڵی نییا بەڵکوم ئامانجشانە بابەتو ئازادی جەسەیی ڕابەر ئاپۆی بە تەمامەتی وزانە ڕۆژەڤۆ.

ئۆزگەنە ئاماژەش پانەی دا جە قۆناغو یوەمین و کەمپینەکەینە تەنیا کەسێ ناسراوێ بەشدارێ بانە و پەی دما تەریچ ئینێ چەمەڕاو ئانەینە جە مانگەکا هامنێنە گرڏ و بەشەکا گلێرگەی بەشداری کەمپینەکەی بانە و واتش: "جە قۆناغو دووەمو کەمپینەکەینە گەرەکمانە ڕاستەوخۆ داواکاری پێشکەش بە وەزارەتو دادی کەرمێنە و نەک تەنها کەسایەتییە سیاسییەکێ و ئەکادیمییەکێ و ڕۆنامەنوویسەکێ، گەرەکمانە داواکاری پێشکەش بە گرڏ و یا کەسا بکەرمێ کە گەرەکشانە بانە بریکارو ئاشتی و دیموکراسی."

'بانگوازو داواکاری ۆەی ئیمراڵی مکەرمێ'

ئەندامو کۆردیناسیۆنو پلاتفۆڕمو ئازادی و ئاشتی ئەوروپای (EFFP)، پرۆفیسۆر نەشە ئۆزگەنە جە دماینەنە پەیوەس بە کەمپینەکەی ئینەش وات؛ "پەیوەندی و دیداری ڕاستەوخۆ چنی زینانیا سیاسی مافێوە بنەڕەتییا، ئێمە گەرەکمانە پێکئامێوە سیاسی حەقەتینە ۆەی گلێرگە و تورکیای بنیات بنییەیمێ، بە مەبەسو وەشکەردەو چارەنووسو تازەبییەیۆ گلێرگەی. داوا جە گرڏ کایێ مکەرمێ پەشتیوانی ئی هەڵمەتەیە بکەرا و داواکاری پێشکەش بە وەزارەتو دادی بکەرا".