لەسەر بڕیاری پارێزگای ئیستەنبوڵ، ئەمساڵیش ڕێگە نەدرا لە گۆڕەپانی تەقسیم ئاهەنگی ١ ی ئایار، ڕۆژی جیهانیی کرێکاران ئەنجام بدرێت، پاش بڕیارەکە پۆلیسەکان بە دانانی بەربەست دەوروبەری گۆڕەپانەکەیان گەمارۆدا.
ناونیشانی ئاهەنگەکان بە پێشەنگایەتی سەندیکاکانی کرێکارانی شۆڕشگێڕ (DÎSK)، کۆنفیدراسیۆنی سەندیکاکانی جەماوەری (KESK)، یەکێتی ژووری ئەندازیارانی بیناسازی تورک (TMMOB) و یەکێتی پزیشکانی تورکیا (TTB)گۆڕەپانی ڕیتمی کادیکۆ بوو. چەندین کەس لەوانەی بانگهێشت کرابوون بۆ ئاهەنگەکەی تەقسیم دەستبەسەرکران.
پاش بڕیارەکەی پارێزگا پۆلیس گۆڕەپانی تەقسیم و پارکی غازی و دەوروبەریان گەمارۆدا.
هەروەها لە بەیانیی ١ ی ئایارەوە، ڕێگەکان بەرەو تەقسیم بەڕووی ئۆتۆمبیل و پیادەڕەوان دادەخرێت. هەندێک بەربەست لە دەوروبەری گۆڕەپانەکە دانراون، بەربەستی دیکەش ئامادەکراون.
