پشێویە دلینەکێ سووریای بەردەوامێنێ، چا بارۆ سۆهر ئەرەیاوناش جە ماوە و ٢٤ سەعاتا ویەردەینە لانیکەم ١٨ کەسێ بە ڕووەدای جیاواز کوشیێنێ کە بەشێوەشا زاڕۆڵێ و جوانێنێ کە خەڵکو دروزی و عەلەویێنێ.

سۆهر ئاماژەش پانەی دا جە ناوچەو قەتنەو دەگا و شامی دووێ گەنجێ دروزیێ جە لایەن و هێزەکا دیمەشقیۆ کوشیێنێ، هەر جەهەمان ناوچەنە دکتۆرێ عەلەوی جد لایەن و هێزە ئەمنییەکا حکومەتو دیمەشقیۆ دما و باڵبەسکەردەی بە دڕندەترین شێوە کوشیا.

سۆهر ئاشکراش کەرد جە شارو سەنەمینی جە لایەن و چن چەکدارێوە نەشناسیۆ فەرماندەو وەڵینو سوپاو ئازاد، ماهر عەلی و کوڕەکەشا کوشتەن. جەهەمان ناوچەنە جە پشێوی بەینو گروپە چەکدارەکانە ونکارێوە زانکۆی کوشیا.

ئاماژەش پانەی دریان چن چەکدارێوە نەشانسێ جە حەلەبەنە مامۆستێوە زانکۆشا کوشتەن کە عەلەوییا، جە دەگاو سەلەمەو وەرکەووتو حەمای جەمێ چەکدارێ نزیک جە دیمەشقی هورشا کوا سەر و یانێوە و کەسێشا کوشتەن.

ماچۆیش، جە دەشتاییەکا تەدموری گوندەوارو وەرکەوتوو حومسی یەرێ تەرمێ ئیزیێنێوە، جە دیمەشقیشەنە تەرمو جوانی ئێزیانۆ کە مانگێوەن بڕفانریان.

سۆهر ئاشکراش کەردەن جە ناوچە و مریەو دێرەزۆری ٣ زاڕۆڵێ بە مەڵامەتو تەقایۆ پاشماوەو جەنگیۆ گیانشا جە دەسدان، جە دەگاو حەماینە کناچێوە کولانێ کە وەڵتەر بەمەڵامەتو هرووژمکەردەی سەر و یانەکەیشا زامڏارە بیێبێ، بەمەڵامەتو سەختی زامەکەیش گیانش جەدەسدان.

جە دماینە سۆهر ئەرەیاوناش جە لازقیەیەچ بەمەڵامەتو کێشەو کۆمەڵایتیۆ جوانێ کوشیان.