پەیمان ڤیانە هامسەرۆکۊو پەژاکی ئاماژەش پانەیە دا گەلاو ئێرانی بە ڕوحو شۆڕشو 'ژەنی، ژیۋای، ئازادی' متاوا سیستەمێوە کۆمەڵایەتی یاگەگیر وەش بکەرا و واتش: "ئاژەکە هەرچونۍ بۆ گرنگ نییا، ئێمە پەی گەل و مافەکا ۋێما ئەوەکۊشمې."
دماو هرووژمەکا ئیسرائیلی پەی سەرو ئێرانی جە شەوەو ١٣و حوزەیرانی، وە بەرپەرچدایۆ هرووژمەکا جە لایەنو ئێرانی و دماتەر هرووژمی موشەکی پەی سەرو ئیسرائیلی، تەرسەکېش جە ۋەرکۊتی مېیامینەنە ئاڼنەی تەر قوڵې کەردێنۍ. دیارا ئینەیچ کاریگەری ڕاستەوخۆش سەرو ئاژەو دلېینەو ئێرانی کەرڎەن و جە بنەڕەتۆ دۊڵەتو ئێرانیش شپرز کەرڎەن. پېوەس پی ئاژەیۆ پارتو ژیۋای کوردەسانی (پەژاک) بە وەڵاکەردەیۆ ئەرەیاۋنێوە سەرنجو وێش پېوەس بە ئاژەکەی ئەرەیاۋنا و بانگەوازش جە گەلا ئێرانی و بە تایبەت جە گەلو کوردی کەرڎ ۋێشا پارېزنا و سیستەمو ئیداری ۋېڕاوەبەری ۋێشا بنیاڎ بنیا.
پەژاک ئاماژەش پانەیچ دا پەی ۋېیەرنای ئی ئاژەو ئێرانی، بێگومان یاگەگیر هەن و دەسنیشانش کەرد 'ئانەی ئازادی مارۆنە ئێران ئەوەکۊشای دیموکراتیکانەو گەلان و شۆڕشو 'ژەنی، ژیۋای، ئازادی'یا." پېوەس بە ئاژەکەیۆ هامسەرۆکۊو پەژاکی پەیمان ڤیانە پەی ڕۆنامەو یەنی ئۆزگوری هۊرسەنگنایش کەرد.
وڕای ڕژێمو ئێرانی پەی هەرێمەکەی و جەهانی ئاژاوێوە گۊرۍ چنی ۋێش مارۆ
پەیمان ڤیانە سەرنجش وست سەرو ئاژەکەی و ئاماژەش پانەیە دا، وڕنای ڕژێمو ئێرانی پەی هەرێمەکەی و جەهانی ئاژاوێوە گۊرۍ چنی ۋێش مارۆ و واتش، "ئانۍ جە عێراق، لیبیا و سووریانە ڕووەشا دا جە ئیساتێنە بەشێوێوە جە شێوەکا جە ئێرانەنە ڕووەمڎا. ئی مژارە پېوەسا بە هەڵوێسو ڕژێمیچۆ، ئەر زیاتەر وەرەنگار بۆوە، هرووژمەکۍ قورستەرۍ با. جە جبەرۆ دمایی بە گرڎ هەژموونێوە ئێرانی ئامان و چی ئاستەیچەنە گورزە جە دلېینەو ئێرانی مڎریۆ. چڼین فەرماندۍ و ڕاوەبەرې پلە باڵاۍ کوشیۍ. جیهانوینی کۆمارو ئیسلامی هەر ۋێش ناکۆکا. ئاوەزیەتو فاشیزمی (فارس و شیعەگەرای) هەرۋێش گۊرەتەرین ناکۆکییا. جە لېوەتەرۆ کاسەلېسې جەنگی بەتەمامی ڕا جە عەقڵی سەلیمی گێرانە، فرە بە سیستەماتیکانە سیاسەت بەپاو مەسڵەحەتەکا ۋێش مجۊراوە.
سەرەڕاو هرووژمەکا، ئێران گیرۆدەو چڼین قەیرانا دلېینەیا
قەیرانی ئابووری فشارێوە فرەش سەرو گەلی و دۊڵەتی وەشکەرڎەن. چنی ئینەیچە وشەکەساڵیێوە کاریگەر هەن. ئینە تەنیا جە سەرنیشت و زاگرۆسەنە هەن. جە ئەسفەهان، شیراز و کرمانەنە تەرسێوە گۊرۍ کۆچبەری هەن. بێگومان ئی مەڵامەت و هرووژمې ئی دماییەیچە کاریگەریێوە گۊرە سەرو گەلی منیۆرە. وڕای ڕژێمو ئێرانی پەی هەرێمەکەی و جەهانی ئاژاوێوە گۊرۍ چنی ۋێش مارۆ. پۊکەی ئی مژارە بە ئاگاڎیۆ ڕاوەبەر مەکریۆ. جە لېوەتەرۆ مژارو هێزو دژبەرو ڕژێمی، بەتایبەتی هێزو کوردی مشۊم بەشێوێوە جیاواز و تایبەت هۊرسەنگیۆ.
کورد جە ئێرانەنە گلېرگێوە ڕێکوزیان
پەیمان ڤیانە دەسنیشانش کەرد گەلو کوردی جە ئێرانەنە گلېرگێوە ڕێکوزیان و ئاگاڎارو ئاژەکەیا و واتش، "کورد جە ئێرانەنە داواو مافە بنەڕەتییەکاش مەکەرۆ. بە پێچەوانەو بانگەشەکا ڕژێمیوە، کورد 'جیاکار'ی نمەکەرۆ. جە ئیساتێنە ڕێکوزیاتەرین گەل جە ئێرانەنە گەلو کوردین و ئاگاڎارو ئاژەکەیا. بڕۍ هێزۍ هەوڵمڎا شۆڕشو 'ژەنی، ژیۋای، ئازادی' بەپاو بەررژەوەندییەکا ۋێشا بەکاربارا. بەڵام ئێمە چی پرۆسەنە بە ئاگاڎاریۆ جمېوە و فرە بەڕۊشنی هەڵوێسو ۋېما نیشانە دا.
ئەوەکۊشای کوردی پەی بەدەسئاوردەی مافە بنەڕەتییەکاشا
ئینەیچ ئانەی نیشانە مڎۆ کە کوردی چنی فاڕمې پەی هێزی بنەڕەتی فاڕیای سیاسی و کۆمەڵایەتی. ڕابەر ئاپۆ ٢٠ ساڵۍ چێوەڵی واتەبێش 'کوردی ئازاد، شناسنامەی تازەو ۋەرکۊتوو مېیامینیا'. مشۊم ڕژێم عال بزانۆ کورد مافە بنەڕەتییەکۍ ۋێش گەرەکێنۍ. کورد بە پارادایمو ئازادیوازییوە فرە وەرفراوان ویرمکەرۆوە و داوا بنەڕەتییەکۍ ۋێش مەتڵەبێنۍ. گرنگ نییا ئاژەکە چێش و چنین بۆ پەی مافەکاو ۋێما ئەوەکۊشمې. کورد ئینا چنی ئیدارېوە هامبەشی کە باس جە فۆرمەلەکا بکەرۆ، کورد چنی جەنگی نیا. هامکات وەرگری جە وێش مکەرۆ و ۋێش پارێزنۆ، داراو هێزی سیاسی و ڕێکوستەییا. دەسبەردارې کوردایەتی و مافە بنەڕەتییەکا ۋېما نمەبیمۍ. پېسە ڕابەر ئاپۆیچ ماچۆ، 'کوردایەتی ئیتر حەقیقەتێوە مسۆگەرا'. ئینایمۍ سەرو ڕاو حەقیقەتیۊ، کوردایەتییما حەقیقەتمانە."
