کۆنگرە و ستاری بە وانایۆ ئەرەیاونای جە کانتۆنو جزیرەی کوشتەی و تیرۆرکەردە و ژەناش شەرمەزار کەرد و بانگەوازش جە گرڏ و ئەرەمەزیا یاسای و ڕیکوزیاکا ژەنا کەرد جە دژو کۆمکووژییەکا سەر و ژەنا مرداوە و واتش: "ئازادی گلێرگەی بەندا بە ئازادی ژەنێوە."
کۆنگرە و ستاری جە شارەکا حەسەکەی، هۆڵ، تل براک، شەدادێ و دەرباسیەو کانتۆنو جزیرەی بەوانایۆ ئەرەیاونای کۆمکووژیی و تیرۆرکەردە و سەر و ژەنا هەرێمەکەش شەرمەزار کەرد. جە وانایۆ ئەرەیاوناکەینە سەرەڕاو ئامادەبییە و ئەندام و نوێنەرا ڕێکوزیاکا ژەنا بەدەیان ژەنێ بەشداری چالاکییەکا بیێ.
جە ئەرەیاوناکانە بە تنی کوشتە و ژەنا شەرمەزار کریا و وچیا: "جە سەرچەمەکا ژیوای ئازادەنە کووشتە و ژەنا کووشتە و ژیواین، کوشتە و ئەوەکۆشای ژەنا و دەستکەوتەکێشانێ. تا ژەنی ئازادێ نەبانە گلێرگە ئازاد مەبۆنە."
جە ئەرەیاوناکەینە بێدەنگی و چەمپۆشی جەئاست کوشتە و ژەنانە شەرمەزار کریا و ئی بانگەوازییە کریا: "پەنەوازا کەیسو تیرۆکەردە و ژەنا هورگێڵنمێ سەر و وەرپرسیارێتی گرڏی گلێرگەی. پەنەوازا گرڏ و لایەنەکا، دەزگا و ئەرەمەزیارەی جە دژو تیرۆرکەردە و ژەما مرداوە."
جە ئەرەیاوناکەینە پەشتگیری پەی ژەنا بەربڕیا و ئەرەیاویا پەی بڕیریۆ سزای قورسی سەر و بکوژو ژەنا و تا دمای ئاردەی بە کوشتە و ژەنا گرڏ جۆرە ڕا و ڕێبازێوە گێرمێنەوەر.
دما و وانایۆ ئەرەیاوناکەی درووشمو "ژەنێ، ژیوای، ئازادی" و "نا پەی کوشتە و ژەنا" و "بەڵی پەی سزادا و بکوژو ژەنا" بەرزکەردەیۆ و چالاکی ژەنا دمایش ئاما.
