جەمە و مافو مرۆڤی (ئیهەدە) جە بەیاننامێوە ڕۆنامەوانینە وەردەمو زینانو باکرکۆینە ئەرەیاوناش کە "پاکێجو ١٠هەمو دادوەری" کە چی دماییا جەلایەن و پەرلەمانیۆ پەسەندکریا، جە ئاست و چەمەڕاییەکانە نییا. کۆمەڵەکە بە تایبەتی جەختش سەرو ئانەی کەردەنۆ کە پەنەوازا پەی ئازادکەردە و زینانییە نەوەشەکا هەنگامەی بەپەلە نریۆنە.

حەسەن یاڤیش، ڕاوەبەر و لقو ئەستەنبوڵی جەمە و مافو مرۆڤی جە بەیاننامەکەنە ئەرەیاوناش، فارییایەکا بە پێچەوانەو بنەماو یەکسانیا و واتش: "قەرارو هەڕەمەکی پەیمانگاو پزیشکی دادوەری ڕاگیری جە ئازادکەردە و زینانییەکا مکەرۆ."

یاڤیش ئانەیشش وات: "بەساڵانە زینانیێ نەوەشێ جە سیستمو جابەجێ کەردە و سزاو دادپەروەری بێبەشێنێ، یاسا تازەکێ ئی نادادپەروەرییا قووڵتەر  مکەرۆوە."

هەرپاسە هامسەرۆکو جەمە و مافو مرۆڤی، ئەرەن کەسکین، سەرنجش وست سەر و دۆخو زینانیا نەوەشی و واتش: "پەنەوازا زینانیێ نەوەشێ دەمودەس ئازادێ کریانە بێ ئانەی چەمەڕاو فاڕییاکا بکەرا.

هەرپاسە ئەرەن کەسکین یاڏش وستیمێ کە فاتمە تۆکماکە سەرەڕاو ئانەی نەوەشی دڵیش هەن جە زینان و باکرکۆینە ڕاگیریێنە و خەدیجە یڵدز تەمەنی ٧٥ساڵە تەنیا بەمەڵامەتو گیانا و زەڕیۆ پەی یۆ جە کەسوکارەکاش ئینا زینانەنە.

ئەرەن کەسکین واتش: "بە پاو ئامارەکا هەزار و ٤١٢ زینانێ نەوەشێ جە زینانەکانە ڕاگیریێنێ، ئێمە داواو ئازادکەردەو دەمودەس و بێ مەرج پەی زینانییە نەوەشەکا مکەرمێ بە بێ ئانەی جا بارۆ پەنەوازی بە یاسێ بۆنە."