بە چالاکی و گردبوونەوەیەک لە شاری لۆزەرنی سویسرا، کوردستانیان گەمارۆکانی سەر کەمپی شەهید ڕۆستەم جوودی (مەخموور)یان شەرمەزارکرد. چالاکییە بە خولەکێک ڕێزلێنان لە شەهیدان دەستی پێکرد و دواتر هاوسەرۆکانی ناوەندی کۆمەڵگەی کوردی دیمورکراتیک لە لۆزەرن؛ لەیلا ئەکینجی و ئەرجان گونەش قسەیان کرد.

لە قسەکانییدا لەیالا ئەکنجی سەرنجی خستەسەر ئامانجی چالاکییە و ئەوەی راگەیاند بە هەموو شێوەیەک لە چالاکییەکانیان بەردەوام دەبن و دەستنیشانی کرد فشار و گەمارۆدانەکانی سەر مەخموور کارێکی نایاسایی و دژە مرۆڤایەتییە.

دواتر ئەرجان گونەش ئاماژەی بە سەختی گەمارۆکان لەسەر گەلی مەخموور کرد و سڵاوی لە بەرخۆدانی گەل لە دژی گەمارۆکان کرد و گوتی: "کامپەکە لەژێر چاودێری نەتەوە یەکگرتووەکاندایە، کەچی حکومەتی ناوەندی عێراقی و ئیدارەی باشووری کوردستان لەبەرانبەر فشارەکانی تورکیا لە بێدەنگییدان."

گونەش بانگەوازی لە کۆمەڵگەی نێونەتەوەیی کرد و کۆتایی بە بێدەنگییەکانی بهێنێت و لە کۆتایید گوتی: "بە ڕوحێتی بانگەوازییە مێژووییەکەی ڕێبەر ئاپۆوە بەرەنگاری هەموو فشارەکان دەبنەوە و بە هەموو شێوەیەک خاوەنداری لە بانگەوازەکەی ڕێبەر ئاپۆ دەکەین."

چالاکییەک بە دووپاتکردنەوەی پشتیوانی بۆ گەلی مەخموور و گوتنەوەی درووشمەوە کۆتای هات.