فەرماندەیی گشتی هێزەکانی ئاسایشی ناوخۆی باکوور و ڕۆژهەڵاتی سوریا لە ماڵپەڕی فەرمی خۆیدا ناسنامەی ٣ ئەندامی خۆی ئاشکرا کرد کە دوێنێ لە ئەنجامی هێرشی بۆمبڕێژکراوی شانەکانی چەتەکانی داعش لەسەر ڕێگای ڕەقە – حەسەکە شەهید بوون.

لە بەیاننامەی فەرماندەیی گشتی هێزەکانی ئاسایشی ناوخۆی باکور و ڕۆژهەڵاتی سوریا هاتووە:

"بە سەربەرزییەوە، ٣ ئەندامی 'بەشی ئاسایشی ڕێگاو هاتوچۆ' کە ڕۆژی یەکشەممە ١/٦/٢٠٢٥ لەکاتی ئەرکی وڵاتپارێزی و مرۆیی خۆیاندا بۆ پاراستنی ڕێگاو شوێنی هاتوچۆەکان شەهید بوون رادەگەیەنین. ئەم ٣ ئەندامەمان لە ئەنجامی هێرشێکی خیانەتکارانەی شانەیەکی چەتەکانی داعش لەسەر ڕێگای 'ئەبیەد' شەهید بوون کە شارەکانی حەسەکە و ڕەقە بەیەکەوە دەبەستێتەوە.

ناسنامەی شەهیدان بەم شێوەیەیە:

ناو و ناسناو: مێهدی ئەل ئوگلە

ناوی دایک: نەهلە

ناوی باوک: ساڵح

شوێن و کاتی لەدایکبوون: ئەل کەرامە٣١/١/٢٠٠٠

کاتی بەشداربوون:١٦/٣/٢٠٢٥

کاتی شەهیدبوون:١/٦/٢٠٢٥

**************

ناو و ناسناو: مەحموود نۆعمان

ناوی دایک: فاتمە

ناوی باوک: محەمەد

شوێن و کاتی لەدایکبوون: سەرێکانی ١٩٨٠

کاتی بەشداربوون:١٧/٥/٢٠٢٥

کاتی شەهیدبوون:١/٦/٢٠٢٥

************

ناو و ناسناو: عیسا عوسمان

ناوی دایک: فاتمە

ناوی باوک: عەلی

شوێن و کاتی لەدایکبوون: تیل باروود ١٩٩٤

کاتی بەشداربوون:١٠/٩/٢٠٢٠

کاتی شەهیدبوون:١/٦/٢٠٢٥

شەهیدان گیانی پاکی خۆیان لە پێناو ئازادی گەلەکەیان فیداکرد. ئەوان بە بوێریی و دیسیپلینەوە ئەرکی خۆیان لە دژی تیرۆریستان جێبەجێ کرد کە ئاسایشی خەڵکی مەدەنی و ئارامی ناوچەکەیان دەکردە ئامانج. ئەم تاوانە ئیرادەی ئێمە بۆ درێژەدان بە بەرەنگاربوونەوەمان دژی تیرۆر و نەهێشتنی پاشماوەکانی لە هەموو شوێنێک سوورتر دەکات.

ڕەحمەت بۆ ڕۆحی شەهیدانمان، سەبر بۆ بنەماڵەکانیان و فیداکارییان ببێتە هۆی ڕووناکی بۆ بەردەوامی ڕێگا و ئەرکەکانمان."