میقداد ئەرکەک ساڵە و ١٩٩٢ بەشداری دلێ ڕیزەکا پەکەکەیش کەرد دما و چوار ساڵا ئەوەکۆشای جە ساڵە و ١٩٩٦نە جە یەرە گۆشە و بەینو لجە و پاسوورو ئامەدی و دارهێنو چەولیگی گەشمەرڏە بی.

بنەیانەکەش ساڵە و ٢٠٠٠ جە ڕا و کتێبێوە کە چا ساڵەنە وەڵاکریاوە زاناشا کوڕەکەشا گەشمەرڏە بییەن. جە کتێبەکەنە ئاماژە کریان پانەی تەرمو گەشمەرڏە میقداد ئەرکەکی جە ناوچەو شاتۆشی وینریان. بەڵام بنەیانەکەش نەتاوانش دەسشا پنەیاو.

ئەڏیا نەفیسە ئەرکەکیە ئەڏیاو گەشمەردە میقدادی جە بارەو هەوڵدایەکا پەی ئێستەیۆ ڕوفاتو کوڕەکەیش واتش: "ئاواتم. ئانەن وەڵێ مەردەیم قەبرە و کوڕەکەیم وینو بە چەمەکا وێم" و داواش کەردە جە هەرێمەکەنە وشگنای و ئەوەکۆڵیای جە هەرێمەکەنە کریۆنە. بنەیانە و گەشمەرڏە میقدادی داواشا کەردە ڕوفاتو کوڕەکەیشا دەسگنۆوە، پەی ئی مەبەسەیە قەرارشا دان سەردای لقو ئامەدی جەمە و مافو مرۆڤی (ئیهەدە) بکەرا.