ئارۆ پارتو جمییەری نەتەوەپەرسی (مەهەپە) جە چوارچێوەو سەرداکا جەژنۆو قوربانینە جە بالگات سەرش ونەو پارتو یەکسانی و دیموکراسی گەلا (دەم پارتی) دا. شاندو دەم پارتی کە پێکئامێبێنێ جە یاگەگیرو هامسەرۆکو گردی موحەمەد ڕوشتوو تریاک، ئەندامو ئەنجومەنو دەم پارتی زینۆ بایرامۆگلو و ئیحسان سەیلان خێرئامای شاندەکەو مەهەپەیشا کەرد کە پێکئامێبێنێ جە یاگەگیرو سەرۆکو گردی مەهەپەی سادر دورماز، ڕاوێشکارو سەرۆکو گردی مەهەپەی ئەسما ئۆزداشی و ئەندامو لوجنەو راوەبەری مییانی شاهین کارتال.

سەرەتا سیدار دورموز جەژنەش جە شاندو دەم پارتی پیرۆزە کەردە و واتش: "پێسە مزاندێ روانێ ماناڏارێ جە ئاشتەوایی، هامکاری و برایەتی بەهێزتەرێ با، ئێمە بە تەندروستیێوە عالۆ پێشوازی جە جەژنێ مکەرمێ. خوڏای گۆرە یەکڕیزی و ئارامی نەتەوەکەیما دلێنە نەبەرۆ. دەرفەت نەڏۆ پا کەسا گەرەکشانە تێکش بڏا. پی بۆنۆ ئامایمێ پەی سەردای دەم پارتی، کە دووەم سەردای بەرنامەکەیمانە. پی بۆنۆ جە کەسایەتی شمەنە جەژنە جە هەمرایا پیرۆز مکەرمێ."

دماتەر تیریاکی جەژنەش جە شاندو مەهەپەی پیرۆز کەردە و واتش: "پێسە دەم پارتی هەمیشە پەیامەکێ جەژنێما بە ئاشتی و ئارامیوە دەس پنەمکەرۆ. ئا پرۆسەی کە ئێژا دۆڵەت باخچەلی جە ١و تشرینی یووەمیوە دەسشپنەکەرد، هامکات چنی پەیامەکەو ئێژا ئۆجەلانی ٢٧ـی شوباتی  و دماتەریچ قەرارەکێ پەکەکەی راش ڕووەو ژیوگێوە ئاشتیانەیرە جە تورکیانە کەردۆ. پرۆسەکە بی بە یاگێ هیواو گردیما.”

دورماز ئاماژەش پانەی دا کە یاگێ چارەسەریەکا پەرلەمانا و بە پێکئاوردەی کۆمیسیۆنێوە متاوا پرسەکا چارەسەر بکەرا، سوپاسو مێمانداریەکەو دەم پارتیش کەرد.

سەرونەداکاو جەژنۆو دەم پارتی

دەم پارتی جە جەژنەنە سەرەتا سەردای مەهەپەیش کەرد. شاندو دەم پارتی کە جە  ئەندامو ئەنجوومەنو پارتەکەی زولکاف ئۆچار، ئەندامو دەسەو ڕاوەبەری مییانو (مەیەکە)ی جەمیلە تورهالی بالساکە و ئەندامەو ئەنجوومەنو پارتو (PM) فاتمە کۆچیگیت ئۆنەرە پێکئامابێ، جە لایەنو یاگەگیرو سەرۆکو گردی مەهەپەی زوهاڵ تۆپچو، ئەندامو دەسەو راوەبەری مییانو (مەیەکەی) ئاڵپ گیرای ئۆزمانی و تورهان شاهینیوە پێشوازیشا ونەکریا.

ئۆچار ئاماژەش پانەی دا جە دماو بانگەوازەکەو دەوڵەت باخچەلی و رابەر ئاپۆی هیواشا پەی ئاشتی زیاڏ کەردەن و واتش: "پێسە دەم پارتی هەوڵمڏەیمێ هیواکا پەی ئاشتی فراوان بکەرمێ. مشۆم پەی ئاشتی، دیموکراسی و پەی ئی پڕۆسەیە سەرو پەیاوە بیمێ. ئەرەیاوناکەو ئێژا باخچەلی دەربارەو کۆمیسیۆنی فرە عال بێ. هەم جە لایەنو گلێرگەیکەردەی پڕۆسەکەی هەم پەی بەهێزکەردەی زەمینەی یاسایی پڕۆسەکەی عال بێ."

یاگەگیرو سەرۆکو گردی مەهەپەی زوهاڵ تۆپچوو ئاماژەش پانەی دا مشۆم پارتەکێ تەریچ بە وەرپرسیاریۆ مامەڵە بکەرا و واتش:"کاتێ باس جە ئاییندەو وڵاتی مکریۆ، مشۆم بە ئیرادە و یەکڕیزییوە بکریۆ. ئینە هەرمانێوە نییەنە تەنیا بە مەهەپەی بکریۆ. شمەیچ پاڵپەشتیێوە گرنگتا کەرد. چێ سیاسەت مکەرمێ، هەوڵمڏەیمێ چێوێ پەی ئی گەلەیە بکەرمێ. یاگێ چارەسەری کۆگەن؟ پەرلەمانا. مشۆم چا ڕێککۆتەی بۆ."

شاندو دەم پارتی دماتەر سەردی پارتو ئاییندەیش کەرد، شاندەکە جە لایەنو یاگەگیرو سەرۆکو گردی پارتو ئاییندەی فەرهاد ئەسەنەری و سکرتێرۆو گردی گوڵ نازڵیهانێ و ڤەلی کان ئوناڵیوە پێشوازیشا ونە کریا.